Sony-ի ապագա սարքավորման նմուշները կրկին հայտնվել են համացանցում, բայց դեռ հստակ չէ, ինչպես նախորդ անգամները. հնարավոր է` սա էլ վերջնական տարբերակը չլինի:
Sony PlayStation 5-ի խաղային կոնսոլի պաշտոնական ներկայացումը նախատեսված է այս տարվա վերջին, բայց մինչ այդ արդեն համացանց են սպրդել սարքավորման դիզայնի մասին տեղեկությունները: Թվիթերյան օգտատեր Alcoholikaust-ը, ով ամիսներ առաջ արդեն համացանց էր «նետել» ենթադրյալ PS5-ի նկարները, իր օգտահաշվում տեղադրել է սարքավորման դիզայնի նոր տարբերակը:
Այն ավելի տարօրինակ տեսք ունի, քան նախորդ տարբերակները: Սարքավորումը բաղկացած է քառանկյուն, իրար միակցված երկու պլաստիկներից՝ իրարից անջատված յուրօրինակ միջնաշերտով: Ընդ որում՝ ստորին պլաստիկն ունի հավելյալ 2 եռանկյուն «ականջ», որի վրա էլ միացման կոճակն է: Համակարգչի միացման և օդափոխիչի ցանցի համար նախատեսված ինտերֆեյսը, հավանաբար, տեղադրվելու է սարքավորման կենտրոնում:
Alcoholikaust-ը նշել է, որ 100 տոկոսով համոզված չէ, թե սա սարքավորման վերջնական տարբերակն է: Մեկնաբանները, իրենց հերթին, նշել են, որ նման դիզայնն առավել կհամապատասխաներ Xbox-ին. ուշադիր նայելու դեպքում նկատվում է, որ կոնսոլի կառուցվածքը հիշեցնում է X տառին:
Ապագա PlayStation 5-ի տեխնիկական բնութագրերը հրապարակվել են դեռևս 2019թ. ապրիլին, իսկ դեկտեմբերին համացանցում էին հայտնվել սարքավորման ենթադրյալ լուսանկարները:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…