Աշխատանքից հեռացած հաղորդավարները դրանով իրենց բողոք են արտահայտել: Այսօր եթեր դուրս չեն եկել և՛ լրատվական, և՛ ժամանցային հաղորդումները:
«Կուրիեր» հաղորդումը եթեր դուրս չի եկել / ©censor.net.ua
Վրացական «Ռուսթավի 2» հեռուստաընկերությունում լրատվական և ժամանցային ծրագրերն այսօր եթեր չեն գնացել: Պատճառն այն է, որ լրագիրները և հաղորդավարները հեռացել են ընկերությունից` իրենց բողոքն արտահայտելով նոր ղեկավարության կողմից տեղեկատվական ծառայության ղեկավարի և քաղաքական թոք-շոուն վարողների աշխատանքից ազատման դեմ:
Հեռուսաալիքից հեռանալու մասին հայտարարել է «Կուրյեր» տեղեկատվական ծառայության ողջ անձնակազմը, մշակութային, սոցիալական և ժամանացային թեմաներ լուսաբանող առավոտյան թոք-շոուի վարողները:
Լրագրողները սոցցանցերում մեկնաբանել են իրենց հեռացումը՝ ափսոսանք հայտնելով երկար տարիների աշխատանքից հետո հեռուստաալիքը լքելու կապակցությամբ:
Նախօրեին ուղիղ եթերի ժամանակ հեռուստադիտողներին հրաժեշտ էին տվել եզրափակիչ լուրերի՝ «Կուրյերի» հաղորդավարներ Դիանա Ջոջուան և Միշա Սեսիաշվիլին:
Իրավիճակը սրվել է այն բանից հետո, երբ երկարատև դատական գործընթացից հետո՝ 2019թ. հուլիսի 18-ին, դատարանի որոշմամբ հեռուստաընկերությունն անցել է նախկին սեփականատերերից մեկին՝ իշխանություններին մոտ կանգնած գործարար Կիբար Խալվաշիին:
Հաղորդվում է, որ 2012թ. Վրաստանում տեղի ունեցած իշխանափոխությունից հետո «Ռուսթավի 2»-ը խիստ քննադատաբար է վերաբերվել միլիարդատեր Բիձինա Իվանիշվիլիի կառավարությանը՝ հանդես գալով պրոարևմտյան կողմնորոշմամբ: Այստեղ հեռուստաընկերությունն իր աջակցությունն է ցուցաբերել Վրաստանի «Միացյալ ազգային շարժում» կուսակցությանը, որի ղեկավարը նախկին նախագահ Միխայիլ Սահակաշվիլին է:
«Ռուսթավի 2»-ի նախկին գլխավոր տնօրեն Նիկա Գվարամիայի նկատմամբ պաշտոնեական դիրքի չարաշահման հոդվածով քրեական գործ էր հարուցվել, որը դեռ ավարտված չէ: Գվարամիան այժմ նոր հեռուստաընկերություն է հիմնադրում՝ «Մտավարի արխի» («Գլխավոր ալիք»), պատրաստակամություն է հայտնել նախկին աշխատակիցներին ընդունել աշխատանքի՝ մինչև երկուշաբթի օրը որոշելու ժամանակ տալով ցանկացողներին:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…