Փայլանը դուրս էր եկել քաղաքացիներին կուսակցության համաժողովի մասին ազդարարելու: Արգելված հավաքը խոչընդոտելու նպատակով նրան շրջափակել են, որպեսզի քաղաքացիները նրա շուրջը չհամախմբվեն:
Թուրքական ոստիկանությունը շրջափակել է Ստամբուլում երթի դուրս եկած քաղաքական գործիչներին, այդ թվում՝ հայազգի պատգամավոր Կարո Փայլանին: Քրդամետ Ժողովրդադեմոկրատական կուսակցության ներկայացուցիչները Անկախության փողոցում փորձել են համախմբել հանրությանը՝ նոյեմբերի 3-ին կայանալիք համաժողովի մասին ազդարարելու:
Ստամբուլի ոստիկանությունն արգելել է կազմակերպել հավաքներ, սակայն քրդական կուսակցության ներկայացուցիչները, որոնց թվում է նաև Փայլանը, չեն ենթարկվել ոստիկանությանը և քաղաքացիներին կոչ են արել միանալ իրենց: Արդյունքում ոստիկանները շրջափակել են պատգամավորներին՝ քաղաքացիներին թույլ չտալով համախմբվել նրանց շուրջը:
Օրենսդիրները բարձրաձայնել են, որ իշխանությունները փորձում են խոչընդոտել իրենց կուսակցության հերթական համաժողովի կայացմանը: Հաղորդվում է, որ այս համաժողովում քննարկվելու է թուրքական կառավարության կողմից երկրի արևելյան քրդաբնակ շրջաններում շարունակվող պաշտոնանկությունների հարցը:
Այս տարվա մարտ ամսին Թուրքիայում կայացած տեղական ինքնակառավարման մարմինների ընտրություններից հետո տեղական իշխանությունները պաշտոնանկ են արել քրդամետ ԺԴԿ քաղաքապետերին և նրանց փոխարեն նշանակել իրենց ներկայացուցիչներին:
Պատգամավորները շրջել են Ստամբուլի փողոցներով՝ հայտարարելու այդ մասին և քաղաքացիներին ազդարարելու, որ կուսակցության համաժողովը կայանալու է Ստամբուլի Քյուչուկչեքմեջե թաղամասում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…