Հանրային խորհրդի հետ առցանց հանդիպման ժամանակ Առողջապահության նախարարը հնարավոր է համարել, որ անցում կատարվի «խորը սորտավորմանը»՝ բուժօգնություն ցույց տալով միայն առողջացման հավանականություն ունեցողներին:
Հանրային խորհուրդն առցանց հանդիպում է կազմակերպել Առողջապահության նախարար Արսեն Թորոսյանի հետ: Մասնակիցները հնչեցրել են հարցեր, նախարարը պատասխանել է դրանց: Այստեղ առանձնացնում ենք այն հատվածը, որտեղ Թորոսյանը պատասխանում է «հիվանդների սորտավորման անցնելու» մասին հարցին:
Մասնավորապես՝ Դանիել Իոնիսյանը նախարարին հարցրել է, թե հնարավո՞ր է՝ ստեղծվի իրավիճակ, երբ առողջապահական համակարգն ի վիճակի չլինի սպասարկելու բոլոր հիվանդներին, վերակենդանացման բաժանմունքներում տեղերը սահմանափակված լինեն, և առաջանա մի իրավիճակ, երբ հիվանդների մի մասին պարզապես բուժօգնություն չտրամադրվի, այսպես ասած՝ «խորը սորտավորում» կատարվի: Իոնիսյանը նշել է, որ նման դեպքեր տեղի են ունեցել Իտալիայում, Իսպանիայում և այլն: Այդ երկրներում որոշակի ժամանակահատվածում բուժսպասարկում են ստացել միայն այն պացիենտները, որոնց փրկվելու հավանականությունն ավելի մեծ է եղել:
Նախարար Արսեն Թորոսյանը նշել է, որ համաձայն չէ Հանրային խորհրդի անդամի այն դիտարկմանը, թե «խորը սորտավորմամբ» մի մասը մահվան է դատապարտվում, սակայն հնարավոր է համարել, որ նման երևույթ տեղի կունենա Հայաստանում: Թորոսյանի խոսքով՝ «խորը սորտավորումը» պատերազմական տերմին է, երբ անհրաժեշտ է լինում փրկել դրա հավանականության առկայության դեպքում:
Արսեն Թորոսյանն ընդգծել է, որ առկա տեմպերի պահպանման դեպքում նույնիսկ հնարավոր է՝ առաջիկայում դրան անցնելու կարիք լինի, սակայն վստահեցրել է, որ առողջապահական համակարգն ամեն ինչ անում է՝ այդ իրավիճակին չհասնելու համար: Նախարարի կարծիքով՝ այդ վտանգը չի լինի, եթե այսօրվանից արդեն վարակվածության նոր դեպքեր չգրանցվեն, իսկ փաստացի բուժում ստացող պացիենտների թիվը բավարար է՝ բոլորին համարժեք բուժում ցույց տալու համար:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…