Գերժամանակակից հաշվողական սարքերի և ռադիոտեղորոշիչ կայանքի շնորհիվ ՏՈՐ-ը կարող է միաժամանակ հայտնաբերել մինչև 144 թիրախ, ուղեկցել դրանցից 20 ամենավտանգավորներին, ոչնչացնել 4-ին:
Վարչապետ Նիկոլ Փաշինյանն իր ֆեյսբուքյան էջում հայտարարել է, որ Հայաստանի Զինված ուժերը համալրվել են ռուսական արտադրության գերժամանակակից՝ 2019թ. արտադրության հակաօդային եւ հակահրթիռային պաշտպանության ՏՈՐ-Մ2ԿՄ համակարգերով:
Վարչապետը քանակի մասին տեղեկություն չի հաղորդել՝ ռազմական գաղտնիքով պայմանավորված: Սակայն այն համարել է 2019թ. ամենակարևոր ձեռքբերումներից մեկը: Նշենք, որ հարևան Ադրբեջանը 2016թ. տվյալներով ունի 5 միավոր ՏՈՐ-Մ1Է (անիվներով):
ՏՈՐ-ը կարող է 30-6000 մ բարձրության վրա գտնվող F-15 ինքնաթիռը 25-27 կմ հեռավորության վրա հայտնաբերել 80% ճշտությամբ: Անօդաչու թռչող սարքեր կարող է հայտաբերել 9-15 կմ հեռավորությամբ` 70% հավանականությամբ: Գետնին գտնվող ու միացված շարժիչով ուղղաթիռը՝ 6-7 կմ, 40-70%, օդում գտնվողը՝ 13-20կմ, 60-80%:
ՏՈՐ-Մ2ԿՄ հակաօդային պաշտպանության համակարգը հուսալի և արդյունավետ է օդային թիրախների ակտիվ մանևրելու դեմ պայքարում՝ կառավարվող և պլանային օդային ռումբերի, հակառադարային, ուղղորդված և լողացող հրթիռների, անօդաչու թռչող սարքերի, ինքնաթիռների և ուղղաթիռների:
Համալիրն օժտված է գերժամանակակից հաշվողական միջոցներով և ռադիոտեղորոշիչ կայանով: Դրանք թույլ են տալիս միաժամանակ հայտնաբերել մինչև 144 թիրախ, ուղեկցել դրանցից 20 ամենավտանգավորներին, ոչնչացնել 4-ին:
ՏՈՐ-Մ2ԿՄ-ն ինքնավար մարտական մոդուլ է, որը կարող է տեղադրվել ցանկացած մեքենայի շասսիի կամ այլ հարթակի վրա (նավ, շենք): Մոդուլում առկա են համակարգչային համալիր, ռադարային և օպտիկական սարքավորումներ, հրթիռային զենք, օպերատորի խցիկ, ինքնավար և լրացուցիչ էլեկտրամատակարարման համակարգ՝ իր վառելիքի մատակարարմամբ, կյանքի օժանդակ համակարգերով, օդափոխության համակարգով և օդորակիչով:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…