Պայթյունի էպիկենտրոնում պահեստի փոխարեն խառնարան է առաջացել, իսկ նավահանգստի տարածքի շինությունները հիմնովին ավերվել են:
«Ռոսկոսմոսը» հրապարակել է օգոստոսի 4-ին Բեյրութի նավահանգստում տեղի ունեցած ուժգին պայթյունի հետևանքները պատկերող լուսանկարը: Վերջին տվյալներով՝ զոհվել է 113 մարդ, տուժել են ավելի քան 4 հազարը:
Լուսանկարն արվել է Երկրի հեռահար զոնդավորման ռուսական «Կանոպուս-Վ» արբանյակի միջոցով: Նկարից կարելի է եզրակացնել, որ պայթյունի կենտրոնի շուրջը գտնվող բոլոր շինությունները գորնականում հիմնովին ավերվել են: Պահեստի տեղում, որտեղ պահվել են հրավտանգ նյութեր, ձևավորվել է 70 մետր շառավղով խառնարան. այն լցվել է ծովի ջրով:
Բեյրութը տիեզերքից նկարել է նաև Airbus ընկերությունը: Առաջին նկարում կարելի է առավել մանրամասն տեսնել խառնարանը՝ պահեստի փոխարեն, իսկ երկրորդում՝ պայթյունի հետևանքները հարակից մայրուղու հարևանությամբ:
Արբանյակային լուսանկարներ է հրապարակել նաև ImageSat ընկերությունը. դրանցում այլ դիտանկյունից տեսանելի է «ձագարը», որն առաջացել է պահեստի տեղում:
Լիբանանի իշխանությունների խոսքով՝ աղետի պատճառը պահեստում տեղի ունեցած պայթյունն էր, որտեղ պահվել է 2750 տոննա ամոնիումի նիտրատ: Նավահանգստի աշխատակիցները ցանկացել են անցքեր բացել՝ պահեստ մուտք գործելու համար, սակայն եռակցման աշխատանքների պատճառով հրդեհ է բռնկվել ու պայթյուն տեղի ունեցել: 6 տարի պահեստում պահված նյութը 2014թ. առգրավվել էր մոլդովական դրոշի ներքո տեղաշարժվող և Խաբարովսկի գործարարներից մեկին պատկանող Rhosus նավից:
Տեղի իշխանությունները վնասը գնահատել են 3-5 մլրդ դոլար: Վնասվել են բազմաթիվ շենքեր, տներ, գրասենյակներ, այդ թվում՝ Բեյրութի վարչական շրջանում: Անտուն է մնացել 250-300 հազար մարդ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…