Ֆոտոշարք. Ռուսական բանակը «Տերմինատորների» առաջին սերիական խմբաքանակն է ստացել

«Տերմինատորը» կարելի է համարել ամենաարտասովոր ռազմական մեքենաներից մեկը, որն արտադրվում է Ռուսաստանում: Չնայած տանկերի աջակցության ռազմական մեքենայի (ՏԱՌՄ) տարբեր գնահատականներին և ոչ միանշանակ հեռանկարներին, ՌԴ Պաշտպանության նախարարությունն ամեն դեպքում որոշել է գնել 2017թ. արտադրված մեքենաների խմբաքանակը: Եվ այժմ առաջին «Տերմինատորներն» են հանձնվել բանակին:

ՏԱՌՄ-ների վերաբերյալ պայմանագիրը ՌԴ ՊՆ-ի և «Ուրալվագոնզավոդի» միջև ստորագրվել է 2017թ. օգոստոսին՝ «Բանակ» համաժողովի շրջանակներում: Մատակարարումը նախատեսված էր դեռ 2018թ.: Ժամկետների տեղափոխության պատճառն, ըստ փորձագետների, հավելյալ կարգավորումների անհրաժեշտությունն է եղել:

«Տերմինատոր» ՏԱՌՄ-ը հանդիսանում է տանկային միավորման մաս: Կոնցեպցիայի համաձայն՝ մեքենաները թույլ են տալիս առավել արդյունավետ պայքարել հակառակորդի հակատանկային միջոցների, ամրաշինական կառույցների և կենդանի ուժի դեմ:

Այդ նպատակով «Տերմինատորը» համալրված է տարատեսակ սպառազինությամբ՝ ներառյալ երկու 30 մմ-անոց հրանոթներով, 7,62 մմ-անոց գնդացրով, «Ատակա» հակատանկային կառավարվող հրթիռներով և երկու նռնականետով: Անձնակազմը 5 հոգի է: Մեքենայի մարտական մասը 48 տոննա է: Պաշտպանվածությամբ «Տերմինատորը» համեմատվում է Տ-90Ա-ի հետ, որի հիման վրա էլ ՏԱՌՄ-ը ստեղծվել է:

Այստեսակ մեքենաների վրա աշխատանքները մեկնարկել են դեռևս ԽՍՀՄ ժամանակներից՝ 80-ականների սկզբներից: Արդյունքում մշակվել են տանկերի աջակցության ռազմական մեքենաների մի քանի սերունդներ:

«Տերմինատորի» անմիջական զարգացում է համարվում Տ-72 տանկի հիման վրա ստեղծված «Տերմինատոր-2»-ը: Նրա հիմնական տարբերությունն անձնակազմի կրճատումն է՝ դարձնելով 3: Մեքենայի մարտական մասը 44 տոննա է:

Ներկայումս ուսումնասիրվում է «Արմատայի» հիման վրա ՏԱՌՄ-ի ստեղծման հարցը: Առկա տվյալների համաձայն՝ այն կարող է ստանալ ավելի հզոր զինամթերք՝ ներառյալ 57 մմ-անոց հրանոթներ: Հեռանկարային օրինակը նաև կարող է այլ անուն ունենալ: