Porsche 911 Targa-ն համարվում է ժամանակակից ամենագեղեցիկ մեքենան: Տանիքը բացվում է ընդամենը 19 վայրկյանում:
Porsche 911 Targa / © Porsche
Porsche ընկերությունը ներկայացրել է իր նոր արտադրանքը՝ Porsche 911 Targa-ն: Այն բավականին գրավիչ տեսք ունի:
Տարգան 1960-ականներին հանրաճանաչ դարձած Porsche-ի կաբրիոլետի տարբերակն է՝ կենտրոնական զանգվածային ամուր մասով և հանվող կտորե ծածկով: Մի քանի սերունդ անց հայտնվել են տեսադաշտային ետնապակի՝ դառնալով Tagra-յի չափանիշ: 922 թափքով նոր սերունդն այսպիսի տեսք ունի.
Նոր տարբերակի կտորե ծածկը բաղկացած է երկու մասից: Արտաքին հատվածը նույնպես կտորից է, բայց հիմքը մագնիումի երկու պլաստինից է: Եվ եթե ամենաառաջին Տարգաների դեպքում կտուրը ձեռքով էր բացվում, ապա արդեն երկու սերունդ օգտագործվում է ֆիննական Valmet ընկերության մեխանիզմը:
Ծածկը բացվում է 19 վայրկյանում: Հաշվի առնելով այդ գործընթացի բարդությունը՝ արդյունքն ապշեցնող է համարվում: Սակայն ծածկը հեռացնելն ու սկզբնական դիրքին վերադարձնելն ընթացքում չի ստացվում: Մեքենային նաև տարածություն է պետք՝ տեսադաշտային ապակին չկոտրելու համար:
Մեկնարկի ժամանակ գնորդներին ներկայացվելու է երկու տարբերակ՝ Porsche 911 Targa 4 և 4S: Բազային տարբերակում օպոզիտային երկտուրբոշարժիչը 3 լիտր ծավալ ունի. հզորությունը` 385 լ/վ: 4S-ի մոտ նույն շարժիչն է, բայց հզորությունը 450 լ/վ է:
Երկու տարբերակներն էլ ստացել են ադապտային կախոց՝ Porsche Active Suspension Management (PASM): Սակայն 911 Targa 4S-ը գործարանից դուրս է գալու անմիջապես էլեկտրոնային կառավարմամբ հետին PTV Plus դիֆերենցիալով, որն առանձին վճարով հնարավոր է տեղադրել նաև մյուս մոդելին: Վճարել պետք է լինելու նաև նորաոճ ու հզոր ածխածակերամիկական արգելակների համար:
Մեքենաները 100 մետրը զարգացնում են համապատասխանաբար 4,2 և 3,6 վայրկյանում: Առավելագույն արագությունը՝ 289 և 304 կմ/ժ: Ի սկզբանե տեղադրված է 8-աստիճան «ռոբոտ» PDK, բայց կարելի է տեղադրել նաև 7-աստիճան «մեխանիկական», որը մտնում է Sport Chrono-ի լրակազմում:
Ոչ լիարժեք կտուրի պատճառով ավտոմեքենան հզորացնելու կարիք է ունեցել: Տարգան կաբրիոլետից 40 կգ-ով ծանր է, ինչն 992 շարքի մեքենաների մեջ ամենածանրն է դարձրել:
Գերմանիայում գները նույնն են, ինչ կաբրիոլետների դեպքում: Բազային 911 Targa 4-ն արժե 128 հազար եվրո, 4S-ը՝ 144 հազար: Վաճառքը մեկնարկելու է օգոստոսից:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…