1969թ. ծնված կինն Իրանից վերադառնալուց հետո առողջական մի շարք խնդիրներով դիմել է բժշկի: Կարմիր գայլախտից, 4-րդ աստիճանի լյուպուս-նեֆրիտից և երիկամի խրոնիկ անբավարարությունից բացի՝ նրա մոտ հայտնաբերվել է նաև կորոնավիրուս:
Իրանից Ադրբեջան վերադարձած քաղաքացին առողջության հետ կապված խրոնիկ խնդիրներով դիմել է հիվանդանոց: Հետազոտության արդյունքում պարզվել է, որ 1969թ. ծնված ադրբեջանցի կնոջ մոտ կարմիր գայլախտ (Lupus Eritematozus) աուտոիմունային հիվանդություն է հայտնաբերվել, 4-րդ աստիճանի լյուպուս-նեֆրիտ և երիկամի խրոնիկ անբավարարություն:
Ադրբեջանական աղբյուրների հաղորդմամբ՝ կնոջ մոտ հայտնաբերվել են նաև այլ խնդիրներ: Միևնույն ժամանակ նրա մոտ կորոնավիրուս է հայտնաբերվել: Նշվում է, որ թեև ձեռնարկվել են բոլոր անհրաժեշտ միջոցառումները, սակայն կնոջ մոտ զարգացել են խրոնիկ հիվանդությունները, ներքին օրգանների անբավարարություն է սկսվել և նրա կյանքը փրկել չի հաջողվել:
Մահացածի ընտանիքի հարազատները և նրա հետ շփում ունեցածները մեկուսացված են: Ադրբեջանում ներկայումս վարակվածների թիվը 13 է, նրանցից 3-ն առողջացել են:
Հավելենք նաև Վրաստանում 24 մարդ է վարակված: Իրանում վարակվածների թիվն անցել է 10 հազարից, մահացել է 429 մարդ, առողջացել են 2959-ը: Թուրքիայում, ըստ պաշտոնական տվյալների, 1-ն է վարակված Covid-19-ով: Հայաստանում վերջին ժամերին հայտնի դարձավ, որ վարակված է ևս 2 քաղաքացի:
Հայաստանում, այսպիսով, վարակվածների թիվը հասել է 6-ի: Կարանտինում ներկայումս գտնվում է 88 քաղաքացի:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…