Օնկոլոգիական հիվանդություններով տառապողները պետք է կրճատեն տապակած սննդի օգտագործումը, քանի որ այն հիվանդությունն ավելի է ագրեսիվացնում:
Ամհերսթ քաղաքում գտնվող Մասաչուսեթսի համալսարանի գիտնականները հետազոտություն են անցկացրել՝ պարզելով, թե ինչպես է բուսական յուղով տապակված սնունդը խթանում օրգանիզմի, մասնավորապես աղիքային բորբոքման հիվանդությունների և հաստ աղիքի ուռուցքի զարգացմանը:
Հետազոտությունն իրականացվել է վերոնշյալ հիվանդությունները կրող մկների վրա: Կրծողների առաջին խմբին կերակրել են ԱՄՆ-ում ամենահայտնի յուղով, որի մեջ մինչ այդ Ամհերսթի ճաշարաններից մեկում ֆալաֆել էին տապակել: Դրան զուգահեռ՝ մկների մյուս՝ հսկողական խումբը սնվել է սառը յուղով:
Հետազոտության արդյունքում գիտնականներն ապացուցել են, որ տապակած ուտելիքն արագացնում է հաստ աղիքի բորբոքումը, կրկնակի արագացնում է ուռուցքների աճը, տարածում է բակտերիաները և արյունատար անոթներում տոքսիկ նյութերը:
Գիտնականների համոզմամբ՝ յուղի տաքացման ժամանակ չհագեցված ճարպաթթուների թթվեցումը բորբոքային էֆեկտ է առաջացնում: Այս հիպոթեզը ստուգելու համար նրանք տապակելու համար առանձնացրել են հակադիր միացությունները, ապա կերակել այն կրծողներին: Արդյունքը նույնն է եղել:
Ուսումնասիրության հեղինակներից Գուդոնգ Չժանը հստակեցրել է, որ տապակած սննդի վնասակարության մասին վաղուց է հայտնի: Սակայն նոր հետազոտությունը ցույց է տալիս, որ յուղում տապակված ուտելիքների օգտագործումը հաստ աղիքի և աղիների վիճակն ավելի է վատացնում:
Գիտնականի խոսքով՝ ԱՄՆ-ում շատ հիվանդներ են օգտվում ֆաստֆուդներից և սնվում տապակած ուտելիքով: Եթե աղիների հիվանդությամբ կամ հաստ աղիքի քաղցկեղով տառապողն ուտի նման սնունդ, ապա մեծ է հավանականությունը, որ նրա մոտ հիվանդությունը կստանա ագրեսիվ բնույթ: Այդպիսի հիվանդներին խորհուրդ է տրվում ավելի քիչ տապակած սնունդ օգտագործել:
Վերջերս գիտնականները հաղորդել են, որ PLK1 սպիտակուցն անվտանգային մեծ դեր է խաղում բջիջների մասնատման ժամանակ: Նրանց խոսքով՝ դա կարող է օգնել արագ աճող քաղցկեղային բջիջները ոչնչացնելու լավագույն մեթոդի ստեղծմանը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…