Կինը գտել է 11 տարի առաջ կորած կատվին. օգնել են արդի տեխնոլոգիաները և բարի մարդիկ

11 տարի առաջ տանից փախած կատուն վերադարձել է իր տիրոջ մոտ: Կինը այս ամբողջ ընթացքում հույսեր է փայփայել, որ իր կենդանուն կրկին կտեսնի: Վերջապես, տասնամյակ անց, նորագույն տեխնոլոգիաների աջակցությամբ կատուն գտնվել է:

Նյույորքցի Մեգգի Ուելցի կատուն՝ Տիգրը, մշտապես բնակվել է տանը, փողոց դուրս չի եկել, այդ պատճառով մի օր տանից դուրս գալով՝ մեծ աշխարհից վախեցել է ու փախել անհայտ ուղղությամբ: Տիրուհին փնտրել է մոտակայքում և հուսացել, որ կատուն կզբոսնի և շուտով կվերադառնա, սակայն՝ ապարդյուն:

Շուտով կինն ընտանիքով տեղափոխվել է այլ բնակարան, ուստի Տիգրին գտնելու հավանականությունը սպառվել է: Մեգգին հին տան տերերին խնդրել է պարբերաբար ուշադրություն դարձնել փողոցային կատուներին: Գուցեն նրանց մեջ հայտնաբերվի սիրելի կատուն, սակայն դա նույնպես ապարդյուն էր:

Տիգրին գտել է մեկ այլ կին՝ Քերոլ Օ’Քոննելը: Կատուն պարբերաբար վազել է նրա տան բակ՝ ուտելու տանտիրուհու դրած կերը: Քերոլն ամեն անգամ փորձել է շոյել կատվին, սակայն կատուն ընդդիմացել է, քանի որ արդեն հասցրել էր հետ վարժվել մարդկային քնքշանքին: Ուստի կինը որոշել է շահել կենդանու վստահությունը:

Նրա խոսքով՝ կաթնասունն իր մոտ է եկել մի քանի տարի, բայց նրա վիճակը տարեցտարի վատացել է: Քերոլը հասկացել է, որ նա տնային կատու է, այդ պատճառով փողոցային կյանքը նրա վրա բացասաբար է անդրադառնում: Ենթադրել է, որ կատվին դուրս են նետել կամ ինքն է փախել:

Ժամանակի ընթացքում Տիգրը սկսել է վստահել Քերոլին, թույլատրել շոյել: Կինը մտքից չի հանել այն, որ գուցե ինչ-որ մեկը փնտրում է կորած կատվին: Նրան տարել է անասնաբույժի մոտ՝ հույսով, որ տերերը նրա վրա հատուկ չիպ դրած կլինեն՝ անհրաժեշտ տեղեկատվությամբ: Ու դա արդարացրեց իրեն:

Անասնաբուժական կլինիկայում պարզել են Տիգրի տիրոջ ինքնությունը, կապվել են Մեգգիի հետ և նրան հայտնել լավ լուրը: Կինը ժամանել է նշված հասցեով և տեսել անհավատալին՝ 11 տարի առաջ կորած կատուն գտնվել է: Տիկին Ուելցը խորին շնորհակալություն է հայտնել Քերոլին, որ նա իր սիրելի կենդանու ճակատագրի հանդեպ անտարբեր չի վարվել:

Անասնաբույժը Տիգրին լիարժեք ուսումնասիրել է, մինչ տիրոջը հանձնելը: Մասնագետը նշել է, որ կատուն զարմանալիորեն լավ առողջություն ունի՝ հաշվի առնելով փողոցային տևական կյանքը:

Այլ տերեր ևս փնտրել են իրենց կենդանիներին, օրինակ՝ շանը, որն ինքնուրույն է վերադարձել տուն՝ իր հետ ընկերներին էլ բերելով: Այսպիսի բազմաթիվ դեպքեր կան կենդանիների հետ, երբ, օրինակ, շներն ընկերանում այլ շների հետ, կամ կատուներն ինքնուրույն են ապրում՝ նույնիսկ տան վարձ վճարելով:

Էջանիշ

Պատճենել հղումը

Email

Տպել

Twitter

VK

Telegram