Անտարկտիդայից անջատված և Ատլանտյան օվկիանոսում լողացող սառցալեռան բախումը կղզուն տեղի կենդանական աշխարհին, մասնավորապես՝ փոկերին ու պինգվիններին, կարող է հսկայական վնասներ պատճառել:
A-68a սառցալեռը / © NASA, Earth Observatory
Արբանյակային լուսանկարները ցույց են տվել, որ 158 կմ երկարություն և 48 կմ լայնություն ունեցող սառցալեռը (այսբերգ) լողում է Ատլանտյան օվկիանոսի հարավային հատվածում գտնվող Հարավային Ջեորջիա կղզիների ուղղությամբ: Սառցալեռան բախումը կղզու հետ կարող է տեղի վայրի բնությանը մեծ վնաս պատճառել. կղզին բնակեցված է պինգվիններ և փոկեր:
2017թ. հսկայական սառցաբեկորը՝ 6000 քկմ մակերեսով, պոկվել էր Անտարկտիդայի Larsen C հատվածից: Սկզբնապես A-68 անվանակոչված, ապա երեք մասի բաժանված սառցակտորներից մեկը կոչվել է A-68a: Այս երևույթը գիտական մեծ հետաքրքրություն է ցուցաբերել, հատկապես ծովի հատակի բացումից հետո, որը սառույցով էր ծածկված շուրջ 120 հազար տարի: Իսկ ներկայումս A-68a-ն «ուղևորվում է» դեպի Հարավային Գեորջիա:
Հարավային Ջեորջիան մերձանտարկտյան կղզի է Ատլանտիկայի հարավում, վարչական պատկանելիությունը Մեծ Բրիտանիայինն է: Հրաբխային ծագմամբ քարքարոտ կղզի է՝ ծածկված տունդրաներով ու օվկիանոսային մարգագետիններով: Հարավային Ջեորջիան բևեռային բազմաթիվ կենդանատեսակների բնակատեղի է: Նրանց շարքում են ծովափղերը (Mirounga), ծովային կատուները (Arctocephalinae) և արքայական պինգվինները (Aptenodytes patagonicus):
Այսբերգը կարող է մեծ խնդիր դառնալ այդ կենդանիների համար, եթե ծանծաղուտներում բախվի կղզուն: Վնասը կարող է ոչ թե ուղղակի պատճառվել, այլ՝ թռչունների ու կենդանիների բազմացման ու սնման ռեժիմների խախտման միջոցով: Բրիտանական անտարկտյան ծառայության (BAS) բնագետ Գերայնթ Թառլինգի խոսքով՝ էկոհամակարգերը կարող են վերականգնվել և կվերականգնվեն, սակայն կա վտանգ, որ այս այսբերգը կարող է նույն տեղում 10 տարի մնալ:
Այսբերգը, սակայն, կարող է նաև օգտակար լինել, եթե մնա բաց օվկիանոսում: Թառլինգի խոսքով՝ այն մեծ քանակությամբ փոշի է կրում՝ բարելավելով օվկիանոսային պլանկտոնը (ջրային կենդանական և բուսական պարզ օրգանիզմների ամբողջություն) ջրում և բարձրանում է սննդային շղթայով: Այդ պլանկտոնը նաև իրեն է ձգում մթնոլորտի ածխածինը՝ մասամբ նվազեցնելով CO2-ի արտանետումները:
BAS-ն ընդգծում է, որ Հարավային Ջեորջիային հարվածելու լիարժեք հավանականություն չկա: Սակայն ծառայությունը դիմել է Եվրոպական տիեզերական գործակալությանը՝ հավաքելու A-68a-ի արբանյակային շատ լուսանկարներ (Sentinel-1 և այլ սարքավորումներից):
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…