«Ռոսկոսմոսը» 1,5 տրիլիոն ռուբլի է պահանջել՝ «Սֆերա» արբանյակային համակարգի ստեղծման համար — Շեշտ.am (shesht.am)
2 րոպե
Խմբագրություն

«Ռոսկոսմոսը» 1,5 տրիլիոն ռուբլի է պահանջել՝ «Սֆերա» արբանյակային համակարգի ստեղծման համար

«Սֆերան» Իլոն Մասկի ստեղծած Starlink-ի ռուսական՝ բազմագործառույթ տարբերակն է: Համակարգի ստեղծման համար անհրաժեշտ գումարն ավելին է, քան 2016-2025թթ. Ռուսաստանի տիեզերական ամբողջ ծրագրի արժեքը:

Ամբողջ համակարգը տիեզերք բարձրացնելու համար կպահանջվի մոտ 150 հրթիռ / © TASS/EPA/MAXIM SHIPENKOV

«Սֆերան» Իլոն Մասկի ստեղծած Starlink-ի ռուսական՝ բազմագործառույթ տարբերակն է: Համակարգի ստեղծման համար անհրաժեշտ գումարն ավելին է, քան 2016-2025թթ. Ռուսաստանի տիեզերական ամբողջ ծրագրի արժեքը:

Դեռևս հայտնի չէ, թե ինչ ժամանակահատվածի համար են նախատեսված այդ միջոցները, սակայն ենթադրվում է, որ «Սֆերան» («Сфера») ստեղծվելու է բյուջետային միջոցների հաշվին. շուրջ 350 մլրդ ռուբլին հնարավոր է ֆինանսավորեն մասնավոր ներդրողները:

«Սֆերայի» ստեղծման մասին ՌԴ նախագահ Վլադիմիր Պուտինը դեռ 2018-ին էր նախանշել: Նրա խոսքով՝ այն կարող է կապի ոլորտում հեղափոխական նշանակություն ունենալ: Տիեզերական սարքավորումների տեղաբաշխումն ակնկալվում է 2024-2028թթ.: «Ռոսկոսմոսի» հաշվարկներով՝ բոլոր արբանյակների արձակման համար կպահանջվի մոտ 150 հրթիռ, որոնց արտադրությունը կարժենա 300 մլն ռուբլի:

«Ռոսկոսմոսի» կարծիքով՝ «Սֆերան» Starlink-ի ու OneWeb-ի հետ համեմատելը ճիշտ չէ, քանի որ նրանք նախատեսված են բացառապես կապի խնդիրների լուծման և մեծ ծավալի տեղեկատվության փոխանցման համար, իսկ ռուսական նախագիծը բազմագործառույթ է լինելու:

Կազմակերպությունում հայտնել են, որ «Սֆերան» մշակողների մտահղացմամբ՝ բաժանորդային սարքավորումները ծանր, բարդ և թանկարժեք չեն լինելու:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.