Պարզվել է, որ բարձրահասակ տղամարդիկ և բարեկազմ կանայք ավելի շատ են վաստակում: Սա առաջին հետազոտությունն է, որում օգտագործվել են արտաքին տեսքի անձնական գնահատականները:
Այովայի համալսարանի մասնագետներն ուսումնասիրել են 18-65 տարեկան 2383 մարդու տվյալները և արտաքինի ու եկամտի չափի միջև էական կապ են հայտնաբերել: Դրանք կարող են խոսել աշխատաշուկայի գործատուների մոտ կանխակալության առկայության մասին:
Սա մասնագիտական հաջողության վրա արտաքին տեսքի ազդեցության առաջին հետազոտությունը չէ, սակայն նախորդ աշխատանքները հիմնվել են հարցումների արդյունքում ստացված սուբյեկտիվ գնահատականների վրա: Այժմ գիտնականներն օգտագործել են առավելագույնս օբյեկտիվ հարթություն. հատուկ ուսուցված նեյրոցանցը մարմնի 3D սկանավորման միջոցով գնահատել է մարդկանց հասակն ու մարմնի կազմվածքը:
Արդյունքները ցույց են տվել, որ տղամարդու հասակը վիճակագրորեն էական ազդեցություն է ունենում եկամտի վրա. յուրաքանչյուր սանտիմետրը տարեկան շուրջ 998 դոլար է ավելացնում, ընդ որում` դա օրինաչափություն է միջին խավի և հարուստների համար, և ոչ` աղքատների ու կարիքավորների: Ավելորդ քաշը ոչ մի կապ չի արտահայտել տղամարդու վարձատրության չափի հետ:
Կանանց համար կարևոր հանգամանքը, ընդհակառակը, ինչպես պարզվել է, հենց ավելորդ քաշն է. այն եկամտի չափը նվազեցնում է 934 դոլարով: Հասակը և ազդրերի համապատասխանությունը կոնքերին կարևոր հանգամանք չեն համարվել, իսկ բարձրահասակ և ցարծահասակ կանայք գրեթե նույն կերպ կարող են հաջողություններ ունենալ աշխատանքում:
Գիտնականները ենթադրում են, որ դա կարող է մատնացույց անել գործատուների մոտ կանխակալությանը: Օրինակ, բարձրահասակ տղամարդիկ կարող են ավելի ազդեցիկ ու հեղինակավոր համարվել, ինչի հաշվին նրանց, հնարավոր է, հեշտությամբ առաջ մղեն: Սակայն չեն բացառվում նաև ներքին պատճառները. բարձրահասակ տղամարդիկ և բարեկազմ կանայք կարող են առավել նպատակասլաց ու ինքնավստահ լինել:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…