Աղբի, ածխացած ծառերի, մրի և ջրի սելավային հոսքն առաջացել է անտառային հրդեհներից հետո տեղացած անձրևներից: Մասնագետները նշում են, որ այսպիսի հեղեղները կործանարար հետևանքներ են ունենում բուսական ու կենդանական աշխարհի համար:
«Ածխային հեղեղ» / © Pima Arizona
ԱՄՆ-ի Աշխարհագրական ծառայությունը զեկույց է ներկայացրել, ըստ որի՝ ինտենսիվ անձրևների կողմից տեղաշարժվող, աղբի կործանարար հոսքը հետհրդեհային ամենավտանգավոր երևույթներից է: Աղբի այդպիսի հոսքը վտանգավոր է հատկապես նրանով, որ առաջանում են առանց նախազգուշացման:
Հենց այդպիսի երևույթ է արձանագրվել Արիզոնայում, որտեղ Թուսոնի ջրահավաք գլխավոր ավազանով հոսել է աղբի, ծառերի ածխացած կտորների, մրի ու ջրի հսկայական զանգված:
Պիմա շրջանի ներկայացուցիչները մեկնաբանել են, որ անտառային հրդեհները հողը դարձնում են ածխացած, անբերրի և չեն կարողանում ջուրը կլանել: Նույնիսկ քիչ քանակությամբ տեղումները կարող են ավերիչ հեղեղներ առաջացնել:
Հրդեհը փոխում է հողի կառուցվածքը՝ հանքայնացնելով օրգանական նյութերը և առանձնացնելով սննդարար նյութերը, մետաղներն ու տոքսինները, որոնք սովորաբար կարող են լվացվել ջրով: Հողի նոր կառուցվածքն այդ պատճառով կարող է չընդունել ջուրը: Ջրի վերաբերյալ գիտության կալիֆորնիական կենտրոնում նշել են, որ այրված ավազաններից աղբի հոսք առաջացնելու համար պահանջվում են ավելի քիչ տեղումներ, քան չթրծված վայրերից: Հարավային Կալիֆորնիայում ընդամենը 7 մմ տեղումները 30 րոպեի ընթացքում սելավային հոսք են առաջացրել:
Հայտնվելով ջրամբաներում՝ այդպիսի հոսքերն արտակարգ ավերիչ հետևանքներ են առաջացնում նրանցում: Ջրում նվազում է լուծված թթվածնի մակարդակը, իսկ սննդարար նյութերի պարունակության աճը հանգեցնում է կապտականաչ ջրիմուռների (ցիանոբակտերիաների) ակտիվ ծաղկմանը, որոնք նույնպես մեծ քանակությամբ թթվածին են կլանում:
Դա իր հերթին անմիջապես վնասում է ջրավազանների բնակիչներին, որոնք կարող են մահանալ սովից, քանի որ խավարած ջուրը կարող է վատացնել տեսանելիությունը և խոչընդոտել սնունդ որոնելիս: Ջրային բույսերը զրկվում են լույսից, որն անհրաժեշտ է ֆոտոսինթեզի համար:
Էկոլոգ Լի Բաումգարտների կարծիքով՝ նմանատիպ երևույթներից հետո ձկների պոպուլյացիայի վերականգնումը ջրային համակարգերում կարող է տասնամյակներ տևել: Նա որպես օրինակ է բերել 1939թ. կործանարար անտառային հրդեհները, որոնք ոչնչացրել են ձկների պոպուլյացիան Ավստրալիայի Լաքլան գետում:
Արիզոնայում և ԱՄՆ-ի արևմտյան մյուս նահանգներում անտառային հրդեհները սկսվել են հունիսի սկզբից: Սելավային հոսքն առաջացել է The Bighorn Fire անունը ստացած հրդեհի հետևանքով, որն այրել է Թուսոնից հյուսիս ընկած Սանտա Կատալինա լեռների շուրջ 48 հազար հեկտար անտառ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…