Հետազոտությունների արդյունքում պարզվել է, որ դեքսամետազոնի օգտագործման դեպքում թոքերի արհեստական օդափոխությանը միացված պացիենտների մահանալու հավանականությունը նվազում է 30%-ով:
Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը Covid-19-ով վարակվածների բուժման նպատակով դեքսամետազոնի կիրառումն անվանել է «գիտական բեկում»:
ԱՀԿ-ն այդպիսով մեկնաբանել է Օքսֆորդի համալսարանի գիտնականների կողմից անցկացված կլինիկական հետազոտությունների արդյունքները: Նախնական տվյալներով՝ դեքսամետազոնը 30%-ով նվազեցնում է թոքերի արհեստական օդափոխության սարքերին միացված պացիենտների, իսկ 20%-ով՝ թթվածնային բուժման կարիք ունեցողների մահացությունը:
Կազմակերպության գլխավոր տնօրենը հայտարարել է, որ դա հրաշալի նորություն է: Գեբրեյեսուսը շնորհավորել է Մեծ Բրիտանիայի կառավարությանը, Օքսֆորդի համալսարանին, հիվանդանոցներին ու պացիենտներին, ովքեր իրենց ներդրումն են ունեցել գիտական փրկարար բեկման գործում:
Թեդրոս Ադհանոմի խոսքով՝ դեքսամետազոնն առաջինն դեղամիջոցն է, որը կորոնավիրուսով վարակված, թոքերի արհեստական օդափոխության կամ թթվածնային բուժման կարիք ունեցող պացիենտների շրջանում մահացության նվազեցում է ցուցաբերել:
Դեքսամետազոնը ստերոիդ է, որն օգտագործվում է 1960-ականներից, որպես հակաբորբոքիչ միջոց: ԱՀԿ-ն շեշտել է, որ դեղամիջոցի կիրառման արդյունքում դրական արդյունք է արձանագրվել միայն Covid-19-ի ծանր ընթացքով պացիենտների մոտ:
Հավելենք, որ վերջին տվյալներով աշխարհում կորոնավիրուսով վարակվածների թիվն անցել է 8 մլն 184 հազարից: Մահացել է 443960 մարդ, առողջացել են ավելի քան 3 մլն 966 հազարը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…