Միացյալ Նահանգների հետախուզական ծառայություններն ավարտել են նախագահ Բայդենի պահանջած հետաքննությունը, որը պետք է պարզեր, թե ինչպես է առաջացել կորոնավիրուսը` բնակա՞ն ճանապարհով, թե՞ լաբորատոր պայմաններում:
Յուհան, Չինաստան / © Reuters
Միացյալ Նահանգների հետախուզական հանրությունը (կառավարական 17 առանձին հաստատություններ, այդ թվում` ԿՀՎ-ն, Պետդեպարտամենտը, ՀԴԲ-ն և Պենտագոնը) Ջո Բայդենին վերջինի կողմից պահանջված զեկույցն են ներկայացրել կորոնավիրուսի ծագման վերաբերյալ: 90-օրյա հետաքննության արդյունքներն այս անգամ էլ միանշանակ չեն. պարզվել է, որ SARS-CoV-2-ի բնական, կենդանական ծագման կամ չինական լաբորատորիայից դրա արտահոսքի վերաբերյալ տեղեկատվությունն անբավարար է:
Հասարակությունն ակնկալել է, որ անկախ հանձնաժողովը կհրապարակի մանրամասն հաշվետվություն, քանի որ նրա դրույթները որոշակի հստակություն են պահանջում: Սակայն այդպես չի եղել: Այսպես, հայտնի է, որ խորհրդակցական մարմնի ներկայացուցիչները տարակարծիք են եղել, քանի որ երկու հիպոթեզերն էլ` բնության մեջ վարակված կենդանու հետ շփումը և լաբորատոր ծագումը, ունեցել են կողմնակիցներ:
Այդուհանդերձ, ԱՄՆ-ում համաձայնել են, որ չինական իշխանություններն ավելի վաղ, մինչև 2019թ. դեկտեմբերի վերջը, վիրուսի մասին տեղյակ չեն եղել: SARS-CoV-2-ը, հավանաբար, ծագել է 2019-ի նոյեմբերից ոչ ուշ և չի ստեղծվել որպես կենսաբանական զենք: Զեկույցում նշվում է, որ գերատեսչությունների մեծ մասը վստահության ցածր մակարդակով ենթադրում են, որ կորոնավիրուսը գենային ինժեներիայի միջոցով չի ստեղծվել:
Բայդենը Պեկինին կոչ է արել թույլատրել անկախ աուդիտ իրականացնել Յուհանի լաբորատորիայում, որն աշխատում է կորոնավիրուսների հետ: Սակայն չինական պաշտոնական շրջանակները մերժել են նրան: Ամերիկյան հետախուզությունում շեշտել են, որ Covid-19-ի ծագման վերաբերյալ վերջնական գնահատական տալու համար անհրաժեշտ Չինաստանի համագործակցությունը: Սակայն Պեկինը շարունակում է խոչընդոտել համաշխարհային հետաքննությանը` դիմադրելով տեղեկատվության փոխանակմանը և մեղադրելով ԱՄՆ-ին ու այլ երկրների:
Եզրակացությունը հետևյալն է. չկա միասնական վարկած, որի վրա հնարավոր կլիներ կենտրոնանալ: Եվ փաստ չէ, թե այն երբևէ ի հայտ կգա: Գիտնականների կարծիքով` մարդկանց կամ կենդանիների շրջանում SARS-CoV-2-ով վարակվածության նախնական դեպքերի վերաբերյալ հավելյալ տեղեկությունների բացակայության պայմաններում բարդ կլինի վստահաբար պնդել վարկածներից որևէ մեկի օգտին: Սակայն Վաշինգտոնը, կարծես, վճռական է տրամադրված. Բայդենի խոսքով` «աշխարհը պատասխան է պահանջում, և ես չեմ հանգստանա, մինչև չստանամ դրանք»:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…