Հրապարակվել են Moderna ընկերության կողմից ստեղծված mRNA-1273 պատվաստանյութի փորձարկումների երրորդ փուլի նախնական արդյունքները: 30 հազար կամավորների շարքում 95 վարակվածներից միայն 5-ն են պատվաստանյութ ստացել, իսկ 90-ը՝ պլացեբո: Դա թույլ է տալիս խոսել 94,5% արդյունավետության մասին՝ ի տարբերություն «Սպուտնիկ-V»-ի (92%) և BNT162b2-ի (90%):
Moderna-յի պատվաստանյութի արդյունավետությունը 94,5% է / © AFP
Moderna-յի մամուլի հաղորդագրության համաձայն՝ կորոնավիրուսով վարակված կամավորներից 11-ը Covid-19-ը ծանր են տարել: Նրանք պլացեբո ստացածների խմբում են եղել: Փորձարկումներին մասնակցում է 30 հազար մարդ՝ հավասար բաժանված: Հենց դրանում էլ կայանում է հիմնական տարբերությունը մյուս պատվաստանյութերի, օրինակ՝ «Սպուտնիկ-V»-ի և BNT162b2-ի համեմատ, որոնց դեպքում ստուգիչ խմբերը մի քանի անգամ ավելի քիչ են եղել:
Փորձարկումների նախնական արդյունքը նույնպես տվյալներ է պարունակում երկբաղադրիչ mRNA-1273 պատվաստանյութի անվտանգության վերաբերյալ: Բացասական ոչ մի հետևանք չի հայտնաբերվել, միայն՝ ընդհանուր մրսածության ախտանշաններ, որոնք անցել են 1-2 օրվա ընթացքում: Փորձարկումները շարունակվելու են ևս 2 ամիս: Ընկերությունում նշում են, որ, չնայած օպտիմիզմին, իրենց արդյունքները կարող են փոփոխվել:
Հայտարարությունում Moderna-ն նաև հայտնում է, որ պատվաստանյութի փորձարկումների երրորդ փուլի հիման վրա հայտ է ուղարկվելու ԱՄՆ-ի Սննդամթերքի և դեղամիջոցների սանիտարական վերահսկման վարչություն (FDA)` ծայրահեղ դեպքերում պատվաստանյութի օգտագործման հաստատման համար: Ամեն դեպքում՝ միջնաժամկետ արդյունքները բավարար չափով արդյունավետություն և անվտանգություն են ցուցաբերում:
Համաձայն ստորև ներկայացվող տեսանյութի՝ աշխատանքի սկզբունքով mRNA-1273-ը նման է «Սպուտնիկ-V»-ին: Նրա հիմքում բազմանալու ունակությունից զրկված վիրուս է, որը SARS-CoV-2-ի առանձնահատուկ սպիտակուցների կոդավորման նպատակով իր ներսում կրում է մայրական ՌՆԹ:
Արդյունավետության հայտարարված 94,5%-ը փորձարկվողների առանձին խմբերում հիվանդների հարաբերակցությունն է (ովքեր համապատասխանաբար ստացել են պատվաստանյութ և պլացեբո): Մինչև 2020թ. սկիզբը Moderna-ն նախատեսում է արտադրել շուրջ 20 մլն չափաքանակ: Շուկայական արժեքը և զանգվածային մատակարարումների ժամկետները դեռ չեն նշվում: Այս պատվաստանյութի առանձնահատկություններից է նաև այն, որ լոգիստիկան ավելի հեշտ է, քան այլընտրանքային Pfizer-ի և BioNTech-ի դեպքում: BNT162b2 պատվաստանյութը պետք է տեղափոխել և պահպանել -70 աստիճանում, իսկ mRNA-1273-ի դեպքում -20-ն էլ բավական է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…