Եվրոպական երկրների մեծ մասը դադարեցրել են Covid-19-ի դեմ անգլիական պատվաստանյութի կիրառումը: Պատճառը պատվաստվածների շրջանում թրոմբի առաջացման հետևանքով մահացության դեպքերն են:
Շվեդիան, Պորտուգալիան, Սլովենիան, Իսպանիան, Ֆրանսիան, Իտալիան, Նորվեգիան, Իսլանդիան, Նիդեռլանդները և Գերմանիան հայտարարել են անգլաշվեդական AstraZeneca ընկերության և Օքսֆորդի համալսարանի կողմից ստեղծված հակակորոնավիրուսային AZD1222 պատվաստանյութի կիրառությունը ժամանակավորապես դադարեցնելու մասին: Ավելի վաղ նման որոշում կայացրել էր Ավստրիան` հաշվի առնելով պատվաստվածների մոտ թրոմբի առաջացման և մեկ կնոջ մահվան հանգամանքները:
Լատվիան, Լիտվան, Էստոնիան, Լյուքսեմբուրգը և Կիպրոսը դադարեցրել են ABV5300 խմբաքանակի օգտագործումը, մինչև ավարտվի հետազոտությունն ու հաստատվի պատճառահետևանքային կապը: Ուսումնասիրություններ են ընթանում նաև Հարավային Կորեայում, որտեղ պատվաստվածներից հինգն են մահացել:
Թեև Մեծ Բրիտանիայում պնդել են, թե պատվաստանյութի և պատվաստվածների մահվան միջև կապը հաստատված չէ, սակայն Դանիայում մահացության դեպքի պատճառով երկու շաբաթով է դադարեցրել պատվաստումը:
Մեծ Բրիտանիայում Covid-19-ի դեմ պատվաստվելուց հետո թրոմբոզի 11 դեպք է գրանցվել. պատվաստվել է ընդհանուր առմամբ 22 մլն բրիտանացի, որոնցից 11 մլն-ը` AstraZeneca-ով:
Դեղամիջոցների եվրոպական գործակալությունը (EMA) հայտարարել է, որ Եվրամիությունում տարեկան հազարավոր մարդիկ են ունենում թրոմբի հետ կապված խնդիրները, և պատվաստվածների շրջանում այդ դեպքերն ընդհանուր ցուցանիշը չեն գերազանցում:
Սիցիլիայում պատվաստվել են ABV2856 խմբաքանակից, որը նույնպես արգելվել է. պատճառը պատվաստվածներից մեկի սրտի կանգն է, մյուսի դեպքում` կաթվածը, երրորդի դեպքում մանրամասներ հայտնի չեն:
Գերմանիայի Պաուլ Էռլիխի անվան ինստիտուտում հայտարարել են, որ գրանցվել են ուղեղային երակների խիստ հազվադեպ թրոմբոզի առանձնահատուկ կառուցվածքի դեպքեր` կապված AstraZeneca-ով պատվաստվելու ժամանակահատվածում թրոմբոցիտների քանակի և արյան շրջանառության անկման հետ:
AstraZeneca-յում, սակայն, պնդում են, որ պատվաստման և ի հայտ եկող խնդիրների միջև կապի ապացույցներ չկան: Միաժամանակ, մարտի 18-ին EMA-ն արտահերթ նիստ է հրավիրելու` քննարկելու AstraZeneca-յի պատվաստման հետ կապված դեպքերը:
Առողջապահության համաշխարհային կազմակերպությունն իր հերթին խորհուրդ է տվել շարունակել օգտագործել պատվաստանյութը` խոստանալով ժողով հրավիրել և քննարկել ի հայտ եկած խնդիրը:
Որոշ բժիշկներ հայտարարության համաձայն` քանի որ ընկերություններն աշխարհում պատվաստումը սկսել են խոցելի խմբերից, ապա նրանք, ովքեր պատվաստվել են, ենթադրվում է` արդեն առողջական խնդիրներ ունեն: Փորձագետների կարծիքով` հենց դա էլ խոչընդոտում է վնասական երևույթների պատճառների հայտնաբերմանը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…