Դիմակներ կրելու և սոցիալական հեռավորությունը պահպանելու անհրաժեշտությունն էապես նվազեցրել է գրիպով և այլ վարակներով հիվանդանալու դեպքերը: Սակայն առկա է զգուշացում, որ հաջորդ տարի այն բացասաբար կանդրադառնա մեր իմունիտետի վրա:
Սոցիալական հեռավորություն, դիմակներ / © Tenreiro Daniel
Նախնական տվյալները ցույց են տալիս, որ ամբողջ աշխարհում մտցված «կորոնավիրուսային» սահմանափակումները, այդ թվում՝ առնվազն 1,5-2 մ սոցիալական հեռավորություն պահպանելու, դիմակ կրելու հորդորներն ու պահանջները, օգնել են սեզոնային գրիպով վարակվածության մակարդակի նվազեցման հարցում՝ «աննախադեպ» ազդելով նաև այլ վարակների տարածման վրա:
Հաղորդվում է, որ Չինաստանում, որն առաջինն է միջոցներ ձեռնարկել Covid-19-ի պայքարի դեմ, 90 տոկոսով նվազել են կարմրուկի, 70-ով՝ համաճարակային պարոտիտի, ավելի քան 20%-ով՝ հեպատիտի և հոնորեայի դեպքերը (մեկ ամսում՝ 7500 պացիենտ՝ ի տարբերություն նախորդ տարվա 12100 ցուցանիշի): Ինչ վերաբերում է գրիպին, ապա եթե նախկինում ՉԺՀ-ում գրիպով վարակվում էր ամսական շուրջ 290 հազար մարդ, ներկայումս այդ ցուցանիշը նվազել է 90%-ով՝ չանցնելով 23 հազարից:
Կանադայում, Մեծ Բրիտանիայում, Ավստրալիայում և Հարավային Կորեայում նույնպես դիտվել է գրիպով վարակվածության «բացառիկ ցածր մակարդակ»: Սիդնեյի համալսարանի վարակիչ հիվանդությունների մասնագետ Բեն Մարեն նշել է, որ տարվա այս եղանակի համար ցածր ցուցանիշ է գրանցվել: Նրա խոսքով՝ սովորաբար ձմռանը հիվանդանոցները լի էին խզզոցով երեխաներով, սակայն այս տարի պալատները գործնականում դատարկ են:
Մասնագետների կարծիքով՝ այդ ամենը կմեղմացնի առողջապահական համակարգի ծանրաբեռնվածությունը, սակայն կա վտանգ, որ ցուցանիշների այդպիսի անկումը կարող է բացասաբար ազդե իմունիտետի վրա: Մարեն հնարավոր է համարել, որ այս տարի վարակների բացակայությունը հաջորդ տարի կարող է մարդկանց համար ավելի խոցելի լինել, ուստի անհրաժեշտ է վերահսկել դա:
Առողջապահության համաշխարհային կազմակերպության հաշվարկներով՝ ամեն տարի աշխարհում գրիպից մահանում է 290-650 հազար մարդ, նրանով վարակվում է աշխարհի բնակչության 5-10%-ը (շուրջ 1 մլրդ մարդ): Ավելի վաղ ԱՀԿ-ն նախազգուշացրել էր, որ գրիպով վարակվածության նվազումը պետք է «զգուշությամբ գնահատել», քանի որ բազմաթիվ երկրներ համավարակի պայմաններում ի վիրակի չեն եղել վիճակագրություն վարել:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…