Դեռևս 2015թ. ստեղծված հակավիրուսային դեղամիջոցը «խաբում է» վիրուսային պոլիմերազին և ստիպում է դադարեցնել ՌՆԹ-ի սինթեզը:
Ռեմդեսիվիրը դադարեցնում է վիրուսի բազմացումը / © AP
Ալբերտայի համալսարանի հետազոտողներն աշխատություն են հրապարակել` հաստատելով, որ հակավիրուսային ռեմդեսիվիր դեղամիջոցն արդյունավետ կերպով կասեցնում է կորոնավիրուսի կրկնօրինակումը (ռեպլիկացիա): Նույն գիտնականներն ավելի վաղ հայտնել էին, որ դեղամիջոցը լավ է գործում MERS-CoV-ի` մերձավորարևելյան շնչառական համախտանիշի դեմ:
Ռեմդեսիվիրը զսպող ՌՆԹ-կախյալ ՌՆԹ-պոլիմերազներ դասի հակավիրուսային դեղամիջոց է (այդտեսակ պոլիմերազներից է օգտվում SARS-CoV-2 վիրուսը): Այն մշակվել է 2015թ. ԱՄՆ-ի բանակի վարակային հիվանդությունների հետազոտական ինստիտուտի մասնագետների կողմից: Ռեմդիսիվիրը լայնորեն կիրառվել է Էբոլայի տենդի համաճարակի ժամանակ՝ 2018թ., և ճանաչվել է անվտանգ, թեև քիչ արդյունավետությամբ, քան մոնոկլոնային հակամարմինները:
Նոր հետազոտությունը մանրամասն նկարագրում է դեղամիջոցի աշխատանքի մեխանիզմները: Գիտնականների խոսքով՝ ռեմդիսիվիրը խաբում է վիրուսներին՝ նմանակելով կառուցողական սպիտակուցների: Աշխատանքի հեղինակներից Մաթիաս Գետեն կորոնավիրուսի ֆերմենտները նկարագրելիս նշել է, որ կորոնավիրուսային պոլիմերազները շատ անփույթ են և նրանց մոլորեցնելը հեշտ է: Ուստի զսպումը (ինհիբիտոր) միանում է (ռեպլիկացիայի փուլում) շատ անգամ, և վիրուսն այլևս ի վիճակի չէ բազմանալու:
Հետազոտությունն իրականացվել է SARS-CoV-2-ի մաքրված ՌՆԹ-պոլիմերազի վրա: Ֆերմենտն ակտիվորեն միացրել է ռեմդեսիվիրը (ավելի հստակ՝ նրա եռաֆոսֆատային կառուցվածքը)՝ այն տեղադրելով ՌՆԹ-ում՝ նուկլեոտիդներից մեկի փոխարեն: Դա իր հերթին հանգեցրել է նրան, որ 3 նուկլեոտի հետո ներդրված ռեմդեսիվիրի պատճառով ՌՆԹ-պոլիմերազն արդեն չի կարողացել առաջ շարժվել սինթեզավորվող շղթայով, և ՌՆԹ-ի սինթեզն արգելափակվել է:
Ռեմդեսիվիրի առանցքային առանձնահատկությունն բարձր ընտրողականությունն է (կենսաքիմիական ընտրողականություն): Այստեղ այն ավելի արդյունավետ է, քան այդպիսի հակավիրուսային դեղամիջոցի եռաֆոսֆատային կառուցվածքները, ինչպես սոֆոսբուվիրը, ֆավիպիրավիրը և ռիբավիրինը:
Հետազոտության հեղինակների կարծիքով՝ նրանց արդյունքները, որոնք ամրակցվել են ավելի վաղ մոդելային կենդանիների և բջջային մշակումների վրա արված աշխատանքների տվյալներին, վկայում այն մասին, որ ռեմդեսիվիրը կարելի է դասակարգել որպես «անմիջական գործողության հակավիրուսային միջոց»: Այդ փաստը գիտնականներին վստահություն է հաղորդում կլինիկական փորձարկումների համար, որոնք ներկայումս իրականացվում են աշխարհի միաժամանակ մի քանի երկրներում, այդ թվում՝ Ռուսաստանում:
Գիտնականը նախազգուշացնում է, որ լաբորատորիայում ստացված դրական արդյունքները չեն կարող ծառայել մարդկանց դեպքում կանխատեսման համար: Նրա խոսքով՝ պետք է համբերությամբ լցվել և սպասել մարդկանց վրա պատահական ընտրությամբ արված կլինիկական հետազոտությունների ավարտին:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…