Պանդեմիայից օգտվելով՝ շուրջ 70 հազար կրիաներ դուրս են եկել ափ՝ ձու ածելու

Կարանտինի պատճառով դատարկված լողափը լցվել է ծովային կրիաներով: Մասնագետները հաշվարկել են, որ Հնդկաստանի Օդիշա նահանգի ծովափին կրիաները մոտ 60 միլիոն ձու կածեն. զբոսաշրջիկներ չկան, իսկ կենդանիների պաշտպաններն ավելի հեշտությամբ են վերահսկում:

Օֆթոպ

# COVID-19

# Բնություն

# Կրիաներ

# Հնդկաստան

# Պանդեմիա

Ծովային դեղնականաչ կրիաներ / © @GiovyDean / Автор: неизвестен, фото предоставлено пользователем

Պանդեմիան կասեցրել է մեր սովորական կյանքի ռիթմը՝ մոլորակին կարծես մի փոքր հանգստանալու հնարավորություն տալով: Պարբերաբար տեղեկանում ենք տարբեր վայրերում բնության կողմից վերահաստատվելու դեպքերի մասին, որոնց մենք արդեն անդրադարձել ենք:

https://www.facebook.com/shesht.am/posts/634734487377657

Այժմ Հնդկաստանում է նման երևույթ դիտարկվել. Օդիշա նահանգի լողափը պանդեմիայի պատճառով դատարկվել է, և ծովային կրիաները դուրս են եկել ափ, բույն շինել և ձու ածել:

Ծովային դեղնականաչ կրիաներն իրականում պարբերաբար դուրս են գալիս ափ, սակայն այժմ ուշագրավ է նրանց մեծ քանակությունը. հաշվվում է շուրջ 70 հազար կրիա: Սովորաբար զբոսաշրջիկները ժամանում են՝ նրանց բները տեսնելու՝ ահաբեկելով կենդանիներին: Կան նաև որսագողեր: Բայց հիմա կարանտին է. մարդիկ դրսում քիչ են, կենդանիների պաշտպանների գործը հեշտացել է:

Մասնագետները հաշվարկել են, որ հնդկական այս ափին տեղադրված է շուրջ 60 մլն ձու: Էգերը ձու ածելուց հետո վերադառնում են ծով՝ այլևս չայցելելով բույնը: Այնուհետև ամեն ինչ անում է բնությունը. ավազը ձվերի համար ինկուբատոր է հանդիսանում: Ձագերը դուրս են գալիս շուրջ 2 ամիս անց:

Нашли опечатку? Выделите фрагмент и нажмите Ctrl + Enter.