Պարզվել է՝ դեմքի որ արտահայտությունն է աղջիկների կողմից սիրախաղի նշան

Սիրախաղի (ֆլիրտ) վերաբերյալ գիտական հետազոտությունները շատ չեն: Միևնույն ժամանակ՝ այս թեման բազմաթիվ մարդկանց է հետաքրքրում. շատերը սիրախաղը չեն տարբերում հարգալից վերաբերմունքից, ինչը հանգեցնում է զրուցակցի ու սեփական անձի վերաբերյալ սխալ եզրակացության: ԱՄՆ-ի Կանզասի համալսարանի գիտնականները որոշել են կարգավորել իրավիճակը և պարզել՝ արդյո՞ք սիրախաղին բնորոշ է դեմքի որևէ հատուկ արտահայտություն, որով կինը ցույց է տալիս իր հետաքրքրությունը տղամարդու հանդեպ:

Գիտնականները դիմել են պրոֆեսիոնալ դերասաններին ու կամավորներին՝ ինքնաբերաբար ցույց տալ դեմքի այդպիսի արտահայտություն կամ դա անել ըստ սիրախաղի որոշման առկա ուղեցույցների: Արդյունքում հաջողվել է պարզել, որ որոշ կանանց մի մասը խնդիրն արդյունավետորեն է կատարել, քան՝ մյուսները: Միևնույն ժամանակ՝ տղամարդկանց մեծամասնությունը, ինչպես պարզել են հետազոտողները, կարող են ճանաչել կնոջ դեմքի այն արտահայտությունը, որը սիրախաղի մասին է վկայում: Սակայն բոլոր տղամարդիկ միևնույն կերպ չեն հաղթահարել խնդիրը:

Հետազոտողներն օգտագործել են դեմքի մկանային շարժումների կոդավորումը՝ դասակարգելու «կոկետության արտահայտման» կազմաբանությունը: Կոդավորումը ցույց է տվել, որ սիրախաղի առավել արդյունավետ ազդանշան է թեքված և փոքր-ինչ կախված գլուխը, թեթև ժպիտը և հայացքը դեպի սիրախաղի օբյեկտը:

Որոշ հոգեբաններ նշում են կանացի սիրախաղի նաև այլ նշաններ. մազերի ուղղումը (գլուխն այդ դեպքում ներքև է ուղղված, իսկ վիզը բաց է), շուրթերը լիզելը կամ ուռցնելը, դեպի ցած ուղղված աչքերի, կարճ հայացքը դեպի զրուցակիցը և հաճախակի թարթումը: Երկու սեռերի համար էլ սիրախաղի ապացույցներն են՝ աշխուժությունը, հաճախակի ծիծաղը, մեծ հետաքրքրությունը միմյանց հանդեպ, խաչաձևված ոտքերը դեպի զրուցակիցը և դիպչելը: