Եթե տվյալները հաստատվեն, ապա այդ ցուցանիշն առավելագույնը կհանդիսանա 1913թ.-ից հետո և, հնարավոր է, գերազանցի մինչ այժմ գրանցված բոլոր ռեկորդները:
Մահվան Հովիտ / © Discoveric
Կալիֆորնիա նահանգի Մոհավա անապատի տարածքում, միջքաղաքային իջվածքում գտնվող Մահվան Հովիտ պարկում օդի ջերմաստիճանն օգոստոսի 16-ին տեղի ժամանակով 15:41-ին բարձրացել է մինչև 54,4 °C:
Եթե այդ տեղեկատվությունը հաստատվի, ապա արձանագրված ցուցանիշը կհամարվի առավելագույնը՝ գրանցված 1913թ. հուլիսի 10-ից հետո, երբ նույն՝ Մահվան Հովտում՝ Գրենլանդիա ագարակում, գրանցվել էր 56,7 °C:
Ավելի վաղ ռեկորդը ցանկացել են շնորհել Լիբիայում 1922թ. գրանցված տապին՝ 58 °C, սակայն Համաշխարհային օդերևութաբանական կազմակերպությունը հանգել է այն եզրակացության, որ այդ ցուցանիշը սխալ է և մարդկային գործոնի արդյունք: Մասնագետները կասկածի տակ են դրել նաև այն փաստը, որ 1913թ. Մահվան Հովտում կարող էր գրանցվել 56,7 °C՝ դա համարելով անհնար:
Դրանով պայմանավորված՝ օգոստոսի 16-ի ցուցանիշը մտադիր են հետազոտել և առաջիկա շաբաթների ընթացքում հաստատել: Ոշոր դիտարկողներ ենթադրում են, որ ժամանակի ընթացքում 54,4 °C-ը Մահվան Հովտում կդառնա Երկրի վրա արձանագրված ամենաբարձր ջերմաստիճանը:
Օդերևութաբան Բոբ Հենսոնը հնարավոր է համարել, որ Մահվան Հովիտը համաշխարհային նոր ռեկորդ է սահմանել: Շրջակա եղանակային պայմանների ծայրահեղ բնույթը դա իրատեսական է դարձնում և լրջագույն հետազոտության անհրաժեշտություն առաջացնում: Նրա խոսքով՝ նախկինում գրանցված ցուցանիշները վերստուգելու կարիք է առաջանում:
Բացի այդ, ինչպես մասնագետները նշում են, Մահվան Հովտում վերջին շոգերի համատեքստում ուշագրավ է այն փաստը, որ տվյալ ջերմաստիճանը գրանցվել է օգոստոսի կեսերին: Այս շրջանում արևի թեքվածության անկյունը ցածր է, իսկ օրերը կարճ են, ինչը նվազեցնում է ռեկորդային բարձր ջերմաստիճանի գրանցման հավանականությունը: Օդերևութաբան Դեն Սաթերֆիլդը նախորդ շաբաթ ենթադրել էր, որ հնարավոր է՝ գրանցվի 53,3 °C, սակայն ավելի բարձր ջերմաստիճան է գրանցվել:
Հունիս ամսին ռեկորդային ջերմաստիճան է գրանցվել ռուսական Վերխոյանսկ բնակավայրում՝ Հյուսիսային կիսագնդի սառնամանիքի բևեռում: Ավելի ուշ մասնագետները հայտարարել էին, որ Սիբիրում տևական ժամանակով ջերմաստիճանի բարձրացման պատճառը մարդն է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…