ԱՄՆ-ի Հիվանդությունների վերահսկման և կանխարգելման կենտրոնի (CDC) գիտնականները եզրակացրել են, որ հանրային վայրեր՝ բարեր, ռեստորաններ և այլն, այցելելը և սնվելն ավելի են բարձրացնում Covid-19-ով վարակվելու հավանականությունը, քան սոցիալական գործունեության այլ տեսակները:
Հետազոտության ընթացքում վերլուծվել է ամերիկյան 11 հիվանդանոցներից մեկում կորոնավիրուսի թեստավորում անցած 314 մասնակիցների մասին տեղեկատվությունը: Նրանցից յուրաքանչյուրն ունեցել է հիվանդությանը համապատասխան որոշակի ախտանշաններ: Մարդկանց գրեթե կեսի մոտ դրական արդյունք է հաստատվել:
Հետազոտողները մասնակիցներից հարցրել և տեղեկացել են, թե սոցիալական ինչ գործունեությամբ են նրանք զբաղված եղել մինչև հիվանդանոց դիմելը: Հարցումը ներառել է այնպիսի զբաղմունքներ, ինչպիսիք են գրասենյակ, գեղեցկության սրահ, բար կամ սրճարան այցելությունը, ինչպես նաև մարզասրահ, եկեղեցական հավաքների հաճախելը, ուղևորությունները հանրային տրանսպորտով:
Կորոնավիրուսի դրական թեստով հարցվածները գրեթե կրկնակի անգամ ավելի են նշել բարեր ու ռեստորաններ այցելությունները, քան նրանք, ում մոտ բացասական է եղել: Ապա գիտնականները բացառել են այն մարդկանց, ովքեր տեղյակ են եղել վարակվածների հետ շփման մասին: Հետազոտողները հայտնաբերել են, որ Covid-19-ի դրական թեստ ունեցող մասնակիցները, ովքեր տեղյակ չեն եղել վարակակիրի հետ շփում ունենալու մասին, երեք անգամ ավելի հաճախ են այցելել ռեստորաններ, քան՝ առողջ հարցվածները:
Հետազոտության թերություններից մեկն այն է, որ մասնակիցները չեն նշել՝ շինության ներսո՞ւմ են «զվարճացել», թե՞ բաց տարածքում:
Գիտնականների խոսքով՝ ամենաանվտանգ ռեստորանային ընթրիքն այն է, որն առաքվել է տուն: Ռեստորան կամ սրճարան այցելելու ցանկություն ունեցողներին նրանք խորհուրդ են տվել դիմակներ կրել՝ մինչև սնունդ ընդունելը, և 1,8 մետր հեռավորություն պահպանել ընտանիքի անդամ չհանդիսացող մարդկանցից:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…