Կանադացի գիտնականները հայտնաբերել են, որ ծխողների և թոքերի խրոնիկ օբստրուկտիվ հիվանդությամբ տառապող մարդկանց էպիթելերին ավելի շատ են էքսպրեսավորվում այն սպիտակուցները, որոնք SARS-CoV-2-ն օգտագործում է բջջի մեջ սողոսկելու համար:
Թոքերի խրոնիկ ընդդիմագործական (օբստրուկտիվ) հիվանդությամբ (ԹԽՕՀ) տառապող մարդիկ, ինչպես նաև ակտիվ ծխողները կարող են խոցելի լինել SARS-CoV-2 վիրուսի համար: Կատարված հետազոտության համաձայն՝ ACE-2 սպիտակուցի էքսպրեսիայի մակարդակն այդ մարդկանց մոտ բարձր է: Այդ թեմայով նախորդ ուսումնասիրությունները ցույց են տվել, որ կորոնավիրուսը ACE-2-ն օգտագործում է բջջի մեջ սողոսկելիս:
Հետազոտությունն իրականացրել է Կանադայի Բրիտանական Կոլումբիայի համալսարանից Ջենիս Լեյունգի ղեկավարած խումբը: Գիտնականներն ուսումնասիրել են 42 մարդուց վերցված թոքային էպիթելերի նմուշները. մարդկանց մի մասն ունեցել է ԹԽՕՀ, մյուսներն առողջ են եղել: Փորձարկվողների 24%-ը ծնողներ են եղել: Հյուսվածքների նմուշներում գիտնականները չափել են ACE-2-ի մակարդակը: ԹԽՕՀ-ով պացիենտների և ծխողների մոտ հետազոտվող սպիտակուցն էականորեն բարձր է եղել:
Ստացված տվյալները համեմատել են երկու այլ հետազոտությունների տվյալների հետ. դրանք ներառել են տեղեկություններ՝ ընդհանուր առմամբ 249 մարդու մասին. ներկա և նախկին ծխողներ, երբեմն չծխողներ: Պարզվել է, որ ծխելը շարունակողների մոտ էպիթելերի վրա ACE-2-ներն ավելի ինտենսիվորեն են էքսպրեսավորվել, քան նրանց, ովքեր երբեք չեն ծխել կամ թողել են:
Ջենիս Լեյունգի խոսքով` Covid-19 պանդեմիայի պայմաններում ԹԽՕՀ-ով տառապողները և ծխողները պետք է առավելագույնս խստորեն պահպանեն սոցիալական հեռավորությունը և ձեռքերի հիգիենան: Այն փաստը, որ նախկին ծխողների մոտ անգիոտենզին փոխակերպող ֆերմենտների (ԱՓՖ) մակարդակն էականորեն ցածր է, քան՝ ներկայումս ծխողների, Լեյունգի մեկնաբանմամբ՝ ծխելը թողնելու համար ամենալավ ժամանակն է՝ Covid-19-ից պաշտպանվելու համար:
Հետազոտությանը մասնակցող պրոֆեսոր, կորոնավիրուսի հարցերով գերմանական ուղղությամբ աշխատանքային խմբի կոորդինատոր Թոբիաս Վելտեն նշել է, որ ուսումնասիրությունը որոշակի հետաքրքրությամբ ներկայացնում է, թե ինչու են որոշ մարդիկ Covid-19-ի ախտանշանների առումով ավելի մեծ ռիսկի ենթարկվում, քան մյուսները: Գիտնականը հնարավոր է համարել, որ հենց մեմբրանային սպիտակուցների քանակն է պատճառը, որ ծխողների և ԹԽՕՀ-ով տառապողների մոտ Covid-19-ի ժամանակ անցանկալի ելքի վտանգն ավելի մեծ է:
Գիտնականի կարծիքով՝ հետազոտությունների համար հաջորդ կարևոր հարցն այն է, թե որքանո՞վ է հնարավոր փոխել ռիսկային խմբի պացիենտների մոտ ACE-2-ի էքսպրեսիայի մակարդակը՝ վարակվելու վտանգը նվազեցնելու համար:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…