Լսել եմ` Սոչիում աշխատանքից հեռացնում են հայկական ազգանունով աշխատակիցներին. ճի՞շտ է — Շեշտ.am (shesht.am)
02.08.2019, 12:37
10 րոպե
Խմբագրություն

Լսել եմ` Սոչիում աշխատանքից հեռացնում են հայկական ազգանունով աշխատակիցներին. ճի՞շտ է

Սոչիի միջազգային օդանավակայան / ©Regnum.ru

Ի՞նչ է պատահել

Սոչիի միջազգային օդանավակայանի մի խումբ աշխատակիցներ օրերս հայտարարություն էին տարածել՝ ահազանգելով հայկական ազգանունով աշխատակիցների նկատմամբ խտրական վերաբերմունքի մասին: Նրանք նշել էին, որ հայերին մասսայաբար ազատում են աշխատանքից՝ միայն նրա համար, որ հայ են:

Ի՞նչ են հայտարարել հեռացված աշխատակիցները

Սոչիի միջազգային օդանավակայանի աշխատակիցները հայտարարել էին, որ հայկական ազգանուն կրողներին հեռացնում են աշխատանքից: Տարածած հայտարարությունում նշում էին, որ արդեն երկրորդ տարին է, ինչ ազգային հողի վրա զտումներ են իրականացվում օդանավակայանի աշխատակազմում: Բոլոր հնարավոր միջոցներով հեռացվում են հատկապես հայկական ազգանուն ունեցողները:

Աշխատակիցները բարձրաձայնել են, որ առաջին «զտումներն» իրականացվել են 2018թ.՝ փոխադրումների կազմակերպման և ավիացիոն անվտանգության ծառայություններում՝ ահաբեկման, հարկադրանքի և կրճատումների միջոցով: Այդ երկու ծառայություններից հեռացվել են հայկական ազգանունով 70-ից ավել աշխատակիցներ, նրանց թվում և՝ միայնակ մայրեր, վետերաններ, հաշմանդամներ:

Հաղորդում էին նաև, որ հեռացումների ալիքն արդեն հասել է օդանավակայանի բոլոր ծառայություններին, հեռացվածների թիվն անցել է 100-ից: Հեռացվել է նույնիսկ Վլադիմիր Բեգիյանի եղբայրը: Հայկական արմատներ ունեցող մյուս աշխատակիցներին, այդ թվում և՝ ռուսական ազգանուն կրող հայերին ղեկավարությունը տեղեկացրել է 2019թ. սեպտեմբերի 1-ից կամավոր կերպով հեռանալու անհրաժեշտության մասին:

Հաղորդվում էր, որ հայկական ազգանուններով պրոֆեսիոնալներին փոխարինում են փորձ և մասնագիտական հմտություններ չունեցողներով: Աշխատակիցները նշում էին, որ իրենք ՌԴ քաղաքացիներ և Սոչիի բնակիչներ են՝ խնդրելով դադարեցնել գործընթացը:

Հայաստանի ռազմավարական դաշնակից Ռուսաստանի իշխանությունները մեծ «գորովանքով» աշխատանքից ազատում են Սոչիի օդանավակայանի…

Опубликовано Գագիկ Մկրտչյան Среда, 31 июля 2019 г.

Ի՞նչ մանրամասներ են հաղորդում աշխատակիցները

Օդանավակայանի կարգավար Սուրեն Ադամյանը պատմել է, որ կրճատումների առաջին ալիքը եղել է Նոր տարուց առաջ. կրճատել են հայկական ազգանուններ ունեցողներին ու այն ռուսներին, որոնք հայերի հետ են ամուսնացած։ Ադամյանի խոսքով՝ իրենց տեղեկացրել են, որ վերակազմավորում են ծառայությունները և նոր ծառայություններում իրենց կարիքը չկա։

Հայտարարությունը ստորագրած աշխատակից Սարգիս Մարգարյանը պատմել է, որ իրեն ներքին կարգով ասել են, թե կա հրահանգ վերևից՝ աշխատանքից ազատել բոլոր հայերին, և առաջարկել են դիմում գրել, որովհետև հայ է:

Աշոտ Կարագեչյանը դժվարացել է ստեղծված իրավիճակի պատճառը նշել, բայց հաստատել է հայտարարությունում գրվածը: Ալբերտ Մինասյանն էլ իր հերթին պատմել է, որ իր անմիջական ղեկավարը մոտեցել և ցածրաձայն ասել է, թե վերևից հրամայել են հայերին գործից հանել և խորհուրդ է տվել դիմում գրել: Մինասյանը նշել է, որ չի պատրաստվում գրել դիմումը:

Ի՞նչ են ասում հայկական համայնքի ներկայացուցիչները

Սոչիի հայկական համայնքի ղեկավարի տեղակալ Մելիք Կիվիրյանը տեղեկացրել է, որ տեսել է հայտարարությունը: Նա նաև նշել է, որ մոտ չորս ամիս առաջ լսել է, որ օդանավակայանի հայ աշխատակիցները բողոքում են աշխատանքից ազատվելու թեմայով, բայց հետո կարծես այս թեման մարել էր։

Կիվիրյանը մտադրություն է հայտնել առաջիկա օրերին համայնքի ներկայացուցիչների հետ քննարկել հարցը։ Նա հայտարարել է, որ խնդիրն անպայման կլուծվի, եթե այն իսկապես կա, քանի որ դա ազգային հարց է։

Ռուսաստանի հայերի միության Սոչիի բաժնի ղեկավարի տեղական Թումաս Վարդանյանն ասել է, թե երբեք չի լսել ազգային պատկանելության պատճառով կրճատումների մասին՝ վստահեցնելով, որ Ռուսաստանում նման բանն անհնար է։

Ինչպե՞ս են արձագանքել Հայաստանում

Ազգային ժողովի Տարածաշրջանային եւ եվրասիական ինտեգրման հարցերի մշտական հանձնաժողովի նախագահ Միքայել Մելքումյանը նշել է, որ լուրը չպետք է անտեսվի, եւ համապատասխան մարմինները պետք է հետամուտ լինեն՝ պարզելու իրականությանը և ազատումների պատճառը:

Պատգամավորը կապ է հաստատել Դոնի Ռոստովում ՀՀ գլխավոր հյուպատոս Վարդան Ասոյանի հետ՝ խնդրելով պարզել համապատասխանությունն իրականությանը: Մելքումյանը մտադրություն է հայտնել նաև հարցը բարձրացնել ՌԴ Պետդումայի իր գործընկերների մոտ:

Ի՞նչ է պատասխանել օդանավակայանը

Սոչիի միջազգային օդանավակայանի մամուլի ծառայությունը հայտարարություն է տարածել՝ հերքելով հայկական ազգանուններով աշխատակիցների՝ աշխատանքից ազատման մասին հայտարարությունը:

Հաղորդագրության մեջ նշվում է, որ օդանավակայանի կադրային քաղաքականությունն իրականացվում է ՌԴ օրենսդրությանը համապատասխան, իսկ ապատեղեկատվությունն իրականացությանը չի համապատասխանում և վնասում է Սոչիի օդանավակայանի հեղինակությանը: Մամուլի ծառայությունը հաղորդում է, որ աշխատակազմը բազմազգ է, իսկ կադրերի հետ հարաբերություններում կազմակերպությունն առաջնորդվում է կորպորատիվ չափորոշիչների, էթիկայի նորմերի և իրադրության հիման վրա:

Միջազգային օդանավակայանի հաղորդագրությունում հաստատվում է, որ աշխատանքից հեռացվածների մեջ կան հայեր, սակայն նշվում է, որ ոչ մեծ խումբը փորձ է անում շահարկել ազգային պատկանելիությունը՝ պահանջելով արտոնյալ պայմաններ: Հաղորդվում է նաև, որ ազգությամբ հայերի թիվն աշխատանքից ազատվածների մեջ կազմում է ընդամենը 3%:

Ամենաընթերցվածը

23.02.2020, 18:02
20 րոպե
Խմբագրություն

Առողջապահության ոլորտի ներկայացուցիչները սառնասրտորեն են վերաբերվում կորոնավիրուսից մահացություններին ու վարակի տարածմանը, մինչդեռ օգտատերերը տագնապալից կերպով պահանջում են փակել հայ-իրանական սահմանը: Համեմատենք մասնագիտական տեղեկությունները և առկա իրավիճակը:

22.02.2020, 22:48
12 րոպե
Խմբագրություն

Մեկ վարակվածը կարող է վարակել 600 ուղևորների, իրավիճակը վատթարանում է, իսկ մահացածների մասին հայտարարում է նավապետը, ով նավը վերջինն է լքելու:

20.02.2020, 22:23
8 րոպե
Խմբագրություն

Գիտնականների միջազգային խումբը հայտարարությամբ է հանդես եկել՝ քննադատելով դավադրության տեսությունները, ըստ որոնց՝ Covid-19 հիվանդության հարուցիչ կորոնավիրուսը ստեղծվել է լաբորատորիաներում:

23.02.2020, 18:02
20 րոպե
Խմբագրություն

Առողջապահության ոլորտի ներկայացուցիչները սառնասրտորեն են վերաբերվում կորոնավիրուսից մահացություններին ու վարակի տարածմանը, մինչդեռ օգտատերերը տագնապալից կերպով պահանջում են փակել հայ-իրանական սահմանը: Համեմատենք մասնագիտական տեղեկությունները և առկա իրավիճակը:

30.01.2020, 14:40
3 րոպե
Խմբագրություն

Շփոթմունքն արդեն մեմերի առիթ է դարձել, բայց եթե ինչ-որ մեկը կասկածի՝ ոչ, Corona գարեջուրը կորոնավիրուսի հետ ոչ մի կապ չունի:

25.01.2020, 17:33
33 րոպե
Խմբագրություն

Նոր կորոնավիրուսը հին ատիպիկ թոքաբորբի «հարազատն» է: Այն արդեն մի քանի տասնյակ մարդու մահվան պատճառ է դարձել: Համարվում է, որ վարակվածների թիվը մի քանի հազարի է հասել: Հայտնի է, որ համաճարակը բռնկվել է Չինաստանում: Բայց դա խուճապի մատնվելու պատճառ չէ: Հավաքվել է հայտնի ամբողջ տեղեկատվությունը և փորձ է արվել պատասխանել նոր հիվանդության վերաբերյալ գլխավոր հարցերին:

25.01.2020, 11:44
2 րոպե
Խմբագրություն

Իշխանությունները շինարարներին վճարում են օրական 1200 յուան (մոտ 82 հազար դրամ), ինչը սովորական վարձատրության համեմատ 3 անգամ բարձր է:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.