Ինժեները նեյրոնային ցանցի միջոցով նոր սարք է ստեղծել, որն արգելում է կատուներին տուն մտնել, երբ նրանք սատկած թռչուններ են բերում

Ինժեներ Ամազոն Բեն Համմը հոգնել էր այն հանգամանքից, որ իր կատուն մշտապես տուն էր բերում սատկած թռչուններ և առնետներ: Նա որոշել էր, այլևս կենդանուն ներս չթողնել` զոհը բերանում:

Իր ելույթներից մեկի ժամանակ ինժեները պատմել է, որ մոտավորապես յուրաքանչյուր 10-րդ գիշերը` ժամը 3-ին, իր կատուն տուն էր բերում սատկած փոքրիկ կենդանիներ, երբեմն նույնիսկ կիսամեռ` այդ դեպքում ինքն էր ստիպված սպանել նրանց: Մի անգամ կատուն «նվեր» է բերում ճիշտ  այն ժամանակ, երբ տերը սեքսով էր զբաղվում: Նա անհանգստանում է կատվին ամբողջ գիշեր դուրսը պահել, բայց չի էլ ուզում ներս թողնել:

Խնդիրը լուծելու նպատակով ինժեները մի սարք է ստեղծում, որը լուսանկարում է կատվին այն ժամանակ, երբ վերջինս փորձում է տուն մտնել զոհը բերանում:

Դրա համար նա գնել է խորը ուսուցման համար նախատեսված Amazon DeepLens տեսախցիկ և տեղադրելայն դռան առջև:

Ինժեներից մի քանի ամիս է պահանջվել, որպեսզի շուրջ 23 000 լուսանկար անի և բաժանի 4 մասի` նեյրոնային ցանց ստեղծելու համար: Նա ներբեռնել է բոլոր լուսանկարները մեքենայական ուսուցման համար ծառայություն և ստեղծել կատուների փակ դռների մասին ալգորիթմ: Սարքը որոշում է` կատուն հեռանում է` թե վերադառնում, և եթե վերջինս գալիս է զոհի հետ, ապա համակարգը դուռը կողպում է 15 րոպե, այդ ընթացքում լուսանկարում է կատվին և լուսանկարներն ուղարկում թռչունների պաշտպանությամբ զբաղվող Audubon Society բնապահպանական կազմակերպություն:

Ինժեները հույս է հայտնել, որ հետագայում կկարողանա հավաքել ավելի շատ տվյալներ, որպեսզի համակարգը կարողանան օգտագործել նաև այդ խնդիրն ունեցող այլ մարդիկ: