Բարձր տեխնոլոգիական արդյունաբերության նախարար Հակոբ Արշակյանի ներկայացմամբ՝ մինչև 10 մլն դրամ կստանան 2 տարուց քիչ գործող, մինչև 20 մլն դրամ՝ 2 տարուց ավելի գործող ընկերությունները, և համաֆինանսավորմամբ մինչև 30 մլն դրամ կստանան վենչուրային և այլ ներդրումներ ներգրավածները:
Կառավարությունը հաստատել է կորոնավիրուսի տնտեսական հետևանքների չեզոքացման 17-րդ ծրագիրը, որից կարող են օգտվել բարձր տեխնոլոգիական ոլորտի տնտեսավարողները. տրամադրվելու են դրամաշնորհներ՝ ըստ գործունեության ժամկետի և տեսակի:
Մասնավորապես, նախատեսվում է մինչև 10 մլն դրամի դրամաշնորհ տրամադրել բարձր տեխնոլոգիական այն ընկերություններին, որոնք գործունեություն են ծավալում 2 տարուց քիչ: Մինչև 20 մլն դրամի չափով դրամաշնորհ կտրամադրվի 2 տարուց ավելի գործունեություն իրականացնող կազմակերպություններին:
Համաֆինանսավորման սկզբունքով մինչև 30 մլն դրամի դրամաշնորհ կտրամադրվի բարձր տեխնոլոգիական այն ընկերություններին, որոնք կներգրավեն փաստաթղթավորված և հաստատված ներդրումներ: Նախարար Հակոբ Արշակյանը նշել է, որ սա վերաբերում է այն ընկերություններին, որոնք այս տարվա ընթացքում վենչուրային կամ այլ տիպի («ներդրող հրեշտակներ») ներդրումներ կներգրավեն:
Նախարարի ներկայացմամբ՝ միջոցառման անհրաժեշտությունն առաջացել է այն պատճառով, որ ոլորտի 185 ընկերությունների շրջանում կատարված ուսումնասիրությունների արդյունքներով՝ մի մասը կրել են վնասներ, իսկ մի մասի մոտ ի հայտ է եկել պարապուրդ: Ծրագրով նախատեսվում է մեղմացնել վնասները, ինչպես նաև՝ ապահովել զբաղվածությունը՝ նոր միջոցներ, նոր արդյունք ու նոր հնարավորություններ ստեղծելով:
Առաջիկայում նախատեսվում է ծրագրի իրականացման համար ստեղծել հանձնաժողովներ, որից հետո կներկայացվեն նաև հայտերի ընդունման ընթացակարգերը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…