Խաղերի լեգենդար սերիայի շարունակության ամենասկզբում հայտնաբերված «պասխալկան», պարզվել է, շատ օգտակար է աշակերտներին տան պայմաններում ուսուցանելու համար:
Երկրաչափության առցանց դասընթաց՝ Half-Life: Alyx-ում / © Charles Coomber
Half-Life: Alyx շութերը (անգլ.՝ shooter՝ կրակոց), որը պաշտոնապես ներկայացվել է մարտի 23-ին, արդեն բազմաթիվ հիացական արձագանքներ է ստացել: Այնտեղ կան դինամիկ հրաձգություններ, սարսափելի նկուղներ, հետաքրքիր շինություններ և շատ այլ ուշագրավ մանրամասներ գեյմերների համար: Սակայն որոշ գեյմերների ուրախացրել են մի քանի մարկերներն ու ջնջոցները, որոնք մշակողների կողմից թողնվել են լքված ջերմոցում՝ խաղի առաջին տեղանքներից մեկում:
Օգտատերերը միանգամից սկսել են մտավոր մարզումներ իրականացնել՝ նկարելով կեղտոտ ապակու վրա, և ցանցում կիսվել իրենց «գլուխգործոցներով»: Սակայն նրանց բոլորին գերազանցել է Չարլզ Կումբերը. դպրոցական ուսուցիչ՝ Սան Դիեգոյից: Տղամարդն օգտագործել է մշակողների «պասխալկան»՝ 7-րդ դասարանցիների համար երկրաչափության առցանց դասընթաց վարելու համար:
Կումբերը VR լրակազմի օգնությամբ 17 րոպեանոց տեսանյութ է ձայնագրել, որտեղ Half-Life: Alyx-ի գլխավոր հերոսի անունից աշակերտներին պատմել է անկյունների մասին և բացատրել է դրանց հիմնական առանձնահատկությունները: Դրա շնորհիվ կորոնավիրուսի պատճառով կարանտինում գտնվող աշակերտները կարող են տանը նստած սովորել երկրաչափություն:
Կումբերն առաջին անգամը չէ, որ համակարգչային խաղն ու առցանց տեխնոլոգիաներն օգտագործում է դեռահասներին սովորեցնելու համար: Ուսուցիչը եռաչափ տեսանյութ է ձայնագրել ԱՄՆ-ում ռասայական խտրարության վերաբերյալ, ինչպես նաև աշխույժ ընդմիջումների համար օգտագործել է Beat Saber երաժշտական խաղը:
Ներկայումս Half-Life: Alyx-ը հասանելի է միայն VR լրակազմի բաժանորդներին: Խաղի արժեքը Steam առցանց ծառայությունում մոտ 7 հազար դրամի սահմաններում է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…