BBC: Արքայազն Չարլզը վարակվել է կորոնավիրուսով
Մեծ Բրիտանիայում վարակված է 8167 մարդ, մահացել են 422-ը, առողջացել` 135-ը: Դեռևս հայտնի չէ, թե թագաժառանգն ինչպես է վարակվել:
Արքայազն պաշտոնական Կլարենս հաուս նստավայրում հայտարարել են, որ Չարլզն իրեն լավ է զգում, ախտանշանները թույլ են արտահայտվում: Ներկայումս թագաժառանգն ինքնամեկուսացված է Շոտլանդիայում՝ կնոջ՝ Կորնուոլի դքսուհի Կամիլայի հետ: Վերջինիս թեստը բացասական է եղել:
Հաղորդվում է, որ բժիշկները դեռևս չեն պարզել, թե 71-ամյա Չարլզն ինչպես կարող էր վարակվել:
Մարտի 20-ին Մեծ Բրիտանիայի թագուհի Ելիզավետա 2-րդն ամուսնու՝ Էդինբուրգի արքայազն Ֆիլիպի հետ Լոնդոնից տեղափոխվել է Վինձորյան ամրոց:
Վերջին տվյալներով` աշխարհում կորոնավիրուսով վարակվածների թիվն անցել է 428 հազարից: Covid-19-ից մահացել է 19120 մարդ, առողջացել են 109926-ը: Մեծ Բրիտանիայում վարակված է 8167 մարդ, մահացել են 422-ը, առողջացել` 135-ը:
Մեկնաբանությունները