Որոնողական Bing համակարգում պանդեմիայի վերաբերյալ ևս մեկ ինտերակտիվ քարտեզ է հայտնվել՝ վարակվածների մասին արդիական տվյալներով և արժանահավատ աղբյուրներին հղումներով:
Նոր հարթակն այսպիսի տեսք ունի / © Bing
Որոնողական Bing համակարգում պանդեմիայի վերաբերյալ ևս մեկ ինտերակտիվ քարտեզ է հայտնվել՝ վարակվածների մասին արդիական տվյալներով և արժանահավատ աղբյուրներին հղումներով:
Պանդեմիայի մասին տեղեկատվությունը բավականին շատ է, հաճախ տվյալները միմյանց չեն համապատասխանում: Գիտական հաստատություններն ու տեխնոլոգիական ընկերությունները փորձում են պայքարել այդ խնդրի դեմ՝ թողարկելով սեփական ռեսուրսները, որոնք թույլ են տալիս կորոնավիրուսի տարածման վերաբերյալ ստանալ արդիական տվյալներ: Պանդեմիայի վերաբերյալ սեփական կայքն է ստեղծել նաև Microsoft-ը:
Հարթակը, որտեղ հնարավոր է հետևել SARS-CoV-2 վիրուսի առցանց քարտեզին և վարակվածների քանակի վերաբերյալ տվյալներին, տեղադրված է Bing-ում. վերջինս որոնողական համակարգ է՝ մշակված Microsoft-ի կողմից: Այստեղ հավաքված են վստահելի աղբյուրների (Առողջապահական համաշխարհային կազմակերպություն, ԱՄՆ-ի Հիվանդությունների վերահսկման և պրոֆիլակտիկայի կենտրոն և Հիվանդությունների պրոֆիլակտիկայի և վերահսկման եվրոպական կենտրոն) համակարգված տվյալները:
Հարթակում հնարավոր է տեղեկանալ ամբողջ աշխարհում վարակվածների, մահացածների և առողջացածների քանակի վերաբերյալ վերջին տեղեկություններին: Ինտերակտիվ քարտեզում այս կամ այն պետության վրա սեղմելով՝ կայքը ներկայացնում է լրատվական հոդվածների ցանկը՝ կապված տվյալ երկրում SARS-CoV-2-ի տարածման հետ:
Microsoft-ի ներկայացուցիչների խոսքով՝ նոր ռեսուրսը պետք է օգտատերերին օգնի խուսափել ապատեղեկատվությունից և ստանալ հասանելիություն արժանահավատ աղբյուրներին և պանդեմիայի վերաբերյալ գիտական հետազոտություններին: Աղբյուրը հիշեցնում է, որ կորոնավիրուսի բռնկման պատճառով կորպորացիան ստիպված էր Microsoft Build 2020 կոնֆերանսը տեղափոխել թվային հարթակ:
Վերջին տվյալներով՝ SARS-CoV-2 կորոնավիրուսով վարակվածների թիվն աշխարհում մոտ 170 հազար է: Վարակից մահացել է 6521 մարդ, առողջացել են 77761-ը: Ամենածանր իրավիճակը ներկայումս Իտալիայում է. վերջին օրվա ընթացքում մահացել է 368 մարդ. պանդեմիայի ամբողջ ընթացքում ամենամեծ թիվը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…