Ադրբեջանցի լրագրողը տարածաշրջանային փոփոխությունների ուշագրավ կանխատեսումներ է արել

Ադրբեջանցի լրագրող Աֆղան Մուխտարլըն խորը ափսոսանք է հայտնել՝ նշելով, որ Հայաստանը չի պարտվել, իսկ ահա Ադրբեջանը կործանվել է:

Լրագրողը հիշեցնում է, որ 2021թ. մարտին լրանում է Նախիջևանի վերաբերյալ պայմանագրի գործողության ժամկետը: Նրա խոսքով՝ Ռուսաստանը պայմանագիրը երկարաձգելու մտադրություն չունի, ինչն էլ պատերազմի պատճառներից մեկն է: Մուխտարլըն կանխատեսել է, որ տեղի ունեցող գործընթացների արդյունքում Ադրբեջանը կորցնելու է Մինգեչաուրի ջրամբարը, իսկ Հայաստանն ուղիղ սահման է ստանալու Ռուսաստանի հետ:

Լրագրողը, շարունակելով կանխատեսումները, եզրահանգում է, որ Արցախը ստանալու է ՄԱԿ-ի մանդատը, Ռուսաստանը երաշխավոր է դառնալու, տեղակայվելու են խաղաղապահներ, Արցախի տարածքը ձգվելու է ընդհուպ մինչև Ռուսաստանի հետ սահմանը՝ ներառելով նաև Մինգեչաուրը: Ադրբեջանցի լրագրողը մտահոգվում է, որ Հայաստանը կստանա Արցախ՝ Ռուսաստանի կազմում, ուղիղ սահման ՌԴ-ի հետ, կշրջանցի Վրաստանից ունեցած տրանսպորտային կախվածությունը, կվերանա Հայաստանի 30 տարվա շրջափակումը:

Մուխտարլըն կարծում է, որ այդ ամենի արդյունքում Թուրքիան կստանա Նախիջևանը, կապահովի Ալիևների կլանի, բայց ոչ՝ կառավարության անվտանգությունը: Իսկ 2021թ., լրագրողի համոզմամբ, հայ-ռուսական տանդեմը Թուրքիայից կխլի նաև Նախիջևանը:

Աֆղան Մուխտարլըն ընդգծել է, որ Ալիևը պատասխանատվություն է կրելու 15 հազար կյանքերի ու հողերի կորստի համար:

Հիշեցնենք, որ Մուխտարլըն Ադրբեջանի իշխանությունների կողմից բազմիցս ենթարկվել է հետապնդումների. 2017թ. նա Թբիլիսիում առևանգվել է Բաքվի հատուկ ծառայությունների կողմից: 3 տարվա ազատազրկումից հետո՝ այս տարվա մարտին, լրագրողն ազատ է արձակվել Ադրբեջանի բանտից և լքել է երկիրը՝ շարունակելով մերկացնել Ալիևյան կլանի հանցագործությունները սեփական ժողովրդի նկատմամբ: