Այս հրթիռը համարվում է ՉԺՀ-ի ռազմավարական միջոցներից ամենահզորը: DF-41-ն ունի մինչև 12 հազար կիլոմետր հեռահարություն և կրում է մասնատվող գլխամաս՝ բաղկացած 10 կամ 12 մարտագլխիկից:
DF-41 / ©news.rambler.ru
Չինաստանի Ժողովրդական Հանրապետության 70-ամյակին նվիրված զորահանդեսի ժամանակ առաջին անգամ ցուցադրվել է DF-41 պինդվառելիքային բալիստիկ հրթիռը:
Չինաստանում հոկտեմբերի 1-ին նշվում է Հանրապետության կազմավորման տոնը: Օրվա առթիվ տեղի են ունենում զանգվածային միջոցառումներ, այդ թվում և՝ զորահանդես՝ նորագույն ռազմական տեխնիկայի ցուցադրմամբ:
Փորձագետների ուշադրությունը գրավել է հատկապես DF-41 համալիրը, որը եռահարթակ պինդվառելիքային միջմայրցամաքային բալիստիկ հրթիռ է: Տյանյանմեն հրապարակով անցել է 16 այդպիսի հրթիռային համալիր: Հայտնի է, որ փոխադրվող մոդելից բացի կա նաև հորային տարբերակը:
Այս հրթիռը համարվում է ՉԺՀ-ի ռազմավարական միջոցներից ամենահզորը: Այն ունի 12 հազար կիլոմետր հեռահարություն և կրում է մասնատվող գլխամաս՝ բաղկացած 10 կամ 12 մարտագլխիկից: Փորձագետները կարծում են, որ հրթիռը ի վիճակի է արդյունավետ կերպով հաղթահարել ԱՄՆ հակահրթիռային պաշտպանությունը՝ դրանով հանդիսանալով Չինաստանի անվտանգության կարևոր հանգամանքներից մեկը:
Զորահանդեսից առաջ ՉԺՀ նախագահ, Չինաստանի Կոմունիստական կուսակցության կենտկոմի գլխավոր քարտուղար Սի Ցզինպինը հայտարարել է, որ չկա այնպիսի ուժ, որը սասանի ազգի հիմքը: Նրա խոսքով՝ ոչ մի ուժ չի կարող խոչընդոտել չինական ժողովրդին՝ առաջ շարժվելու համար:
Փորձագետների կարծիքով՝ Պեկինն ունի տպավորիչ և մշտապես մոդեռնիզացվող ռազմավարական զինանոց: Միևնույն ժամանակ՝ չինական հրթիռներն իրենց որակական հատկանիշներով զիջում են ռուսական և ամերիկյան նմանատիպ զինատեսակներին:
Ավելի վաղ հայտնի էր դարձել, որ Չինաստանը կարող է Xian H-6 ռմբակոծիչը զինել հականավային բալիստիկ DF-21D հրթիռներով: Դա մասնագետները ենթադրել էին զորահանդեսի փորձերի ժամանակ ինքնաթիռների վրա նկատած հատուկ կետերը նկատելով: DF-21D-ն երկհարթակ պինդվառելիքային բալիստիկ հրթիռ է՝ միջին հեռահարությամբ: ԱՄՆ ՊՆ գնահատմամբ՝ Չինաստանը կարող է ունենալ այդպիսի 80 հրթիռ:
Չինաստանի Զինված ուժերի զարգացման այլ կարևոր ուղղությունների շարքում նավատորմի մարտավարական պոտենցիալի հզորացումն է: Սեպտեմբերի 25-ին նավաշինական Hudong-Zhonghua Shipyard ընկերությունում իրականացվել է ունիվերսալ դեսանտային գլխավոր 075 նախագծի նավի իջեցումը ջուր: ՈՒնենալով մինչև 3 տասնյակ ուղղաթիռ կրելու հնարավորություն՝ այն չինական նավատորմում ամենամեծն է: Առկա տվյալներով՝ ՉԺՀ ՌԾՈՒ-ը կստանան 6 այդպիսի նավ: Նրանք կլրացնեն արդեն նավատորմում ներգրավված դեսանտային 071 նախագծի նավեր:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…