Պենտագոնում պարզում են ԱՄՆ-ի դեմ կորոնավիրուսի օգտագործման հավանականությունը

Տեղեկություն է տարածվել, որ Միացյալ Նահանգներում Պաշտպանության նախարարության և հետախուզական մարմինների նախաձեռնությամբ հետաքննություն է սկսվել՝ կապված կորոնավիրուսային վարակն ԱՄՆ-ի հակառակորդների կողմից որպես կենսաբանական զենքի հնարավոր օգտագործման հետ:

Նշվում է, որ ազգային անվտանգությունում հասկանում են, թե ինչ վտանգ կարող է իրենից ներկայացնել կորոնավիրուսը, սակայն պաշտոնյաները չեն պնդում, թե Covid-19-ը միտումնավոր այդ նպատակով է ստեղծվել:

Պենտագոնը շարունակում է աջակցել մի շարք գերատեսչություններ, որոնք գործում են միջուկային, քիմիական և կենսաբանական անվտանգության ծրագրերի շրջանակներում: Աջակցության միջոցառումները ներառում են վարակի առկայության թեստավորում, պատվաստանյութի ստեղծում, դիմակների, նրանց ֆիլտրերի և ջերմատես սարքերի մատակարարում:

Հետաքննության վերաբերյալ տեղեկությունը Պենտանոնը չի մեկնաբանել: Հաղորդվում է, որ ռազմական գերատեսչությունում այդ թեմայով հիմնական թեման կորոնավիրուսի առաջացման հարցն է, ինչպես նաև այն, որ Չինաստանի իշխանությունները նրա մասին տեղեկացված են եղել ավելի վաղ փուլերում:

Պենտագոնի և հետախուզական ծառայությունների կողմից կորոնավիրուսը որպես կենսաբանական զենք կիրառելու տեսության վրա ուշադրության սևեռման պատճառների մասին դեռևս չի հաղորդվում:

Հավելենք, որ ԱՄՆ-ում կորոնավիրուսով վարակվածների ընդհանուր թիվն անցել է 869 հազարից: Մահացել է շուրջ 50 հազար մարդ, առողջացել են մոտ 81 հազարը: