Ռուսական «ԳԱԶ Խումբը» ներկայացրել է ընկերության մասնագետների կողմից մշակված՝ առանց վարորդի, «4+» սերնդի «ԳԱԶել» մեքենայի փորձարկումները:
Ռուսաստանում ակտիվորեն առաջ են մղվում անօդաչու տեխնոլոգիաները. առանց վարորդի ավտոմեքենաների ոլորտում իրենց մշակումներն են ներկայացրել արդեն բազմաթիվ ընկերություններ, այդ թվում՝ «ԳԱԶ Խումբը» («Группa ГАЗ»): Նորույթներից մեկն առանց վարորդի «ԳԱԶելն» է, որի հեղինակները մանրամասներ են պատմել ու տեսանյութ հրապարակել:
«ԳԱԶ Խմբի» միացյալ ինժեներական կենտրոնի ինժեներ-կոնստրուկտոր Միխայիլ Իվանովը շեշտել է, որ տեսանյութում ցուցադրված ավտոմեքենան «4+» սերնդի է: Նրանում կյանքի են կոչված համալիր տեղորոշումը, որը հաշվի է առնում արբանյակների, լիդարի (Lidar. լույսի միջոցով հեռավորության հայտնաբերման ու որոշման համակարգ) և օպտիկական ընդունիչների տվյալները, ինքնարգելակման համակարգերը և ճանապարհային հետիոտնների, նշանների ու գծանշումների ճանաչումը, ինչպես նաև մի շարք այլ տեխնոլոգիաներ:
Նիժեգորոդսկի Ռ.Ե. Ալեքսեևի անվան պետական տեխնոլոգիական համալսարանի տեխնիկական տնօրեն Պավել Բերեսնևը նշել է, որ առանց վարորդի ավտոմեքենայի համակարգերի աշխատանքի համար անհրաժեշտ ծրագրային ամբողջ ապահովումը մշակվել է համալսարանի մասնագետների կողմից: «ԳԱԶելի» բոլոր թեստերն առանց վարորդի սկզբում անցնում են գործարանային փորձադաշտում, որտեղ նմանագործվում է սովորական փողոցների ճանապարային իրադրությունը, ապա մեքենաները կարող են դուրս գալ իրական փողոց:
Ավելի վաղ հայտնի էր դարձել, որ Ռուսաստանում առաջին անգամ ռուսական մշակմամբ առանց վարորդի մեքենան գործարկվել է կոմերցիոն փոխադրումներում, և ոչ միայն փակ հրապարակներում փորձարկման ժամանակ. «ԳԱԶելը», ավտոպիլոտի ղեկավարմամբ, մոտ մեկ տոննա բանջարեղեն է փոխադրել Վլադիմիրից Մոսկվա՝ ընդհանուր օգտագործման ճանապարհներով անցնելով ավելի քան 240 կմ: Թեև մեքենան ավտոպիլոտն է ղեկավարել, սակայն ղեկին նստած է եղել ինժեները, ով հետևել է գործընթացին:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…