Օշինդրի հիմքով աֆրիկյան ըմպելիքը կարող է օգտագործվել Covid-19-ի բուժման համար
ԱՀԿ-ն հաստատել է բուսական ծագման դեղամիջոցի կլինիկական փորձարկումների 3-րդ փուլի կանոնակարգը: Ավելի վաղ հայտարարվել էր, որ Covid-19-ով վարակվածներին «ավանդական մեթոդներով» բուժման տարբերակներն ուսումնասիրվելու են նույն ընթացակարգով, ինչ՝ մյուս դեղամիջոցները:
Առողջապահության համաշխարհային կազմակերպությունը (ԱՀԿ) Աֆրիկյան միության՝ հատուկ հարցերով հանձնաժողովի և Հիվանդությունների վերահսկման և կանխարգելման աֆրիկյան կենտրոնի հետ համագործակցությամբ հաստատել է Covid-19-ի բուժման համար բուսական ծագման դեղամիջոցի երրորդ փուլի կլինիկական փորձարկումների կանոնակարգն ու տեխնիկական հանձնարարությունը:
Աֆրիկայում ԱՀԿ Տարածաշրջանային բյուրոյի առողջապահական ծառայությունների համընդհանուր ընդգրկման բաժանմունքի ղեկավար Պրոսպեր Տումուսիիմը նշել է, որ, ինչպես բժշկության մյուս ոլորտներում, ապացուցված գիտությունը ավանդական բժշկության միջոցով բուժման մեթոդների անվտանգության և արդյունավետության միակ հիմքն է: Նրա խոսքով՝ Covid-19 համավարակի ծագումը, ինչպես և Արևմտյան Աֆրիկայում Էբոլայի բռնկումը, ընդգծել են առողջապահական համակարգի ամրապնդման և հետազոտությունների ու մշակման (այդ թվում՝ ժողովրդական բժշկության ոլորտում) արագացման անհրաժեշտությունը:
Մասնավորապես, խոսքը կարող է վերաբերել «առողջարար ըմպելիքի»՝ Covid-Organics-ի (CVO) թեստավորմանը, որը մշակել են Մադագասկարի Կիրառական հետազոտությունների Մալագասիական ինստիտուտի մասնագետները՝ օշինդրի հիման վրա: Այն պատկանում է աստղազգիների ընտանիքին: Այն արդեն օգտագործվում է մալարիայի բուժման նպատակով:
Մադագասկարն առաջին երկիրն է, որն ամիսներ առաջ առաջարկել է կորոնավիրուսով հիվանդների բուժման համար օգտագործել Covid-Organics-ը. նախագահ Անդրի Ռադզուելինան հորդորել էր համապատասխան հետազոտություն իրականացնել:
Կլինիկական փորձարկումների երրորդ փուլը որոշիչ նշանակություն ունի նոր դեղամիջոցի անվտանգության և արդյունավետության լիարժեք գնահատման համար: Հետազոտության հաջորդ փուլերում նշվելու են նաև խորհուրդներ հետագա թեստերի շարունակության, փոփոխության կամ դադարեցման վերաբերյալ, որոն կհետևեն տվյալ փորձարկման արդյունքների գնահատմանը:
Տումուսիիմի խոսքով՝ եթե ժողովրդական բժշկության դեղամիջոցը համարվի անվտանգ ու արդյունավետ, ապա ԱՀԿ-ն խորհուրդ կտա ձեռնարկել դրանց լայնածավալ արտադրություն:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները