Արբանյակից արված լուսանկարներում երևում է ստորջրյա գաղտնի անձավի մուտքը և այնտեղ մտնող ատոմային սուզանավը: Ենթադրվում է, որ մյուս սուզանավերը ներսում են:
Չինաստանի Ժողովրդական-ազատագրական բանակի ռազմածովային նավատորմի Յուլին բազայում տեղակայվում են ատոմային սուզանավեր: Բազան տեղակայված է Հարավչինական ծովի հյուսիսային շրջանում՝ Հայնան կղզում, և հանդիսանում է տարածաշրջանի կարևորագույն օբյեկտներից մեկը: Հենց այստեղ է տեղակայված ՉԺՀ-ի ստորջրյա նավատորմը, որը հագեցած է միջուկային բալիստիկ հրթիռներով:
Արբանյակային լուսանկարներում արձանագրվել է սուզանավերից մեկի մուտքը գաղտնի բազայի ստորջրյա անձավների համակարգ: Ամերիկացիների կողմից արված լուսանկարում հայտնված սուզանավի տեսակը հստակ հայտնի չէ: Ենթադրվում է, որ խոսքը 093 նախագծի «Շան» սուզանավի մասին է:
Այլ սուզանավեր չեն նկարահանման պահին նկատվել: Ենթադրվում է, որ մյուս սուզանավերն այդ պահին կամ մասնակցելիս են եղել զորավարժություններին, կամ գտնվել են ստորջրյա անձավներում:
Տեղեկություններ կան նաև, որ Չինական արդյունաբերական Bohai Shipbuilding կորպորացիան Լյաոնին նահանգի Հուլուդաո քաղաքային շրջանում ատոմային սուզանավերի արտադրության հսկայական գործարան է կառուցում: Գործարանն այնքան մեծ է լինելու, որ նրա հարթակներում հնարավոր կլինի տեղակայել միաժամանակ 4 ատոմային սուզանավ: Այն մեկուսացած է լինելու լրագրողների, ռազմական հետախույզների, օտարերկրյա արբանյակների ու լրտեսների աչքից: Այն զբաղեցնելու է շուրջ 40 հազար քառ.մ մակերես:
Ձեռնարկությունն աշխարհում ամենամեծն է լինելու, որտեղ արտադրելու են 4-րդ դասի 095 տեսակի բազմաթիրախ ատոմային սուզանավեր: Սակավ տեղեկությունների համաձայն՝ սուզանավերը ստանալու են 16 ուղղահայաց արձակման համակարգեր՝ HY-4 հականավային թևավոր հրթիռների համար, որոնց խոցման հեռավորությունը մինչև 500 կմ է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…