Ռուսաստանի սահմանին այտուցային ժանտախտի բռնկում է գրանցվել

Օրերս տեղեկություն է տարածվել, որ Ռուսաստանին սահմանակից Արևմտյան Մոնղոլիայում արձանագրվել է այտուցային (բուբոնային) ժանտախտի բռնկում: Ներկայումս տարածաշրջանում անորոշ ժամկետով կարանտին է հայտարարվել:

Հաղորդվում է, որ նախադեպը եղել է 27-ամյա տղամարդու և կնոջ տեղափոխումը հիվանդանոց: Կինը գտնվել է ծայրահեղ ծանր վիճակում: Նրա հետ շփում ունեցած մարդկանց ընդհանուր թիվը եղել է 400, որոնցից 60-ի հետ շփումն անմիջական է եղել:

Ժանտախտը վիրուսային հիվանդություն չէ, այլ՝ բակտերային: Վայրի բնությունում դրա փոխանցողները հաճախ լուերն են, որոնք վարակի հարուցիչները մի կենդանուց փոխանցում են մյուսին: Բուբոնն ավշային հանգույցների բորբոքումն է, ինչի հետևանքով դրանք մեծանում են և սկսում են փքվել՝ նմանվելով խոշոր կոշտուկի: Մարդու համար այն վտանգավոր է, սակայն այտուցային ժանտախտով հնարավոր վարակվել միայն լուի կամ փոխանցող կենդանու կծելու միջոցով:

Գլխավոր վտանգն այս դեպքում այն է, որ այտուցային ժանտախտը կարող է վերաճել առավել բարդի՝ թոքայինի: Նրա մասնիկներն առանձնանում են թքի կաթիլների հետ՝ հազի և փռշտոցի ժամանակ, այդ իսկ պատճառով կարող հանգեցնել համաճարակի: