Կենսաբանները պարզել են, որ ծովային թռչունները ևս գործիքներ են օգտագործում: Մինչ այդ նրանք «անխելք» թռչուններ են համարվել:
Ատլանտյան փաֆիններ / ©Earth Trekkers
Փաֆին թռչնի անվանումը, համարվում է, որ պայմանավորված է ոչ թե բանականության բացակայությամբ, այլ կտուցի բթությամբ (ռուս.՝ морской тупик): Չնայած՝ ծովային թռչունները համարվում են «հետամնաց». ջրի տակ ընդհանրապես բարդ է գտնել համապատասխան գործիք՝ օգտագործման համար, և չունեն մանիպուլյացիա անելու հնարավորություն՝ ի տարբերություն, օրինակ՝ ագռավների: Սակայն նոր ուսումնասիրությունները եզրակացնում են, որ ծովային թռչունների մոտ «թաքնված ունակությունները» թերագնահատվել են:
Օքսֆորդի համալսարանի պրոֆեսոր Դորա Բիրոյի խմբի կենդանաբաններն օգտագործել են ավտոնոմ տեսաձայնագրող սարքեր՝ շարժման ցուցիչով: Դրանց օգնությամբ գիտնականները դիտարկել են ատլանտյան փաֆինի կյանքը երկու վայրերում՝ Ուելսի հարևանությամբ գտնվող կղզում և Իսլանդիայում: Ուսումնասիրելով հավաքված նյութը` նրանք ուշադրություն են հրավիրել այդ թռչունների համար անսովոր վարքին:
Մի դեպքում փաֆինը փայտիկ է օգտագործել՝ մեջքի փետուրներին հասնելու համար: Մյուս թռչունը փայտիկը կտուցով բռնած քորել է կրծքավանդակը: Մասնագետները վստահեցրել են, որ այստեղ պատահականություն չկա. բույն շինելու համար թռչուններն ընտրում են նուրբ և փափուկ ցողունները, իսկ այս պարագայում նրանք կտուցով բռնել են ավելի ամուր փայտիկներ՝ քորելուն հարմար: Մեջքը քորող փաֆինը գտնվել է ջրում՝ իր բնից բավականին հեռու:
Գործիք կիրառելու ընդունակություն ունեցող կենդանիները սովորաբար դրանից օգտվում են որսի կամ «անձնական խնամքի» համար: Ծովում փաֆինի նման թռչունները որսի խնդիր առանձնապես չունեն, ուստի «գործիքի» կարիք ունենում են միայն փետուրները խնամելու համար:
Բայց, հնարավոր է, քիչ տեղեկություններ կան նրանց կյանքի և վարքի մասին, քանզի բևեռամերձ ծովերի կենդանիներին հետևելը բարդ է: Դորա Բիրոն և նրա գործընկերները նշել են, որ երկու տարբեր տարածքներում թռչունների միևնույն վարքը վկայում է այն մասին, որ «գործիքի» կիրառումն այդ թռչունների մոտ սովորական երևույթ է:
Հայտնի է նաև, որ փաֆինների բարեկամ արծաթագույն ճայերը ձուկ որսալիս երբեմն խայծ են կիրառում: Հնարավոր է, որ փաֆինները նույնպես բավականաչափ խելացի են:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…