«Ոսկե գլոբուս-2020». լավագույն ֆիլմեր են ճանաչվել «1917»-ը և «Մի անգամ… Հոլիվուդում»-ը, «Չեռնոբիլը» 2 արձանիկ է վաստակել
«Լավագույն դրամատիկ ֆիլմ» անվանակարգում Սեմ Մենդեսի «1917»-ը շրջանցել է ֆավորիտներին՝ Մարտին Սկորսեզի «Իռլանդացին» և Թոդ Ֆիլիպսի «Ջոկեր» ֆիլմերին:
Հունվարի 6-ի գիշերը Լոս Անջելեսում կայացել է 77-րդ «Ոսկե գլոբուս» մրցանակաբաշխությունը՝ մեկնարկելով հոլիվուդյան պարգևատրման ոչ պաշտոնական սեզոնը:
«Ոսկե գլոբուսն», ի տարբերություն «Օսկարի», ավանդաբար ընտրում է ոչ թե 1 լավագույն ֆիլմ, այլ՝ 2. դրամատիկ և կոմեդիա կամ մյուզիքլ: «Լավագույն դրամատիկ ֆիլմ» անվանակարգում Սեմ Մենդեսի «1917»-ը շրջանցել է ֆավորիտներին՝ Մարտին Սկորսեզի «Իռլանդացին» և Թոդ Ֆիլիպսի «Ջոկեր» ֆիլմերին: Քվենտին Տարանտինոյի «Մի անգամ… Հոլիվուդում» ֆիլմն առաջ է անցել «Ռոքեթմեն», «Դանակները դուրս», «Ջոջո ճագարը» և « Իմ անունը Դոլեմայթ է» ֆիլմերը:
Լավագույն անիմացիոն ֆիլմ է ճանաչվել «Կորսված օղակը», ինչն անակնկալ է եղել: Laika ստուդիայի 5-րդ ֆիլմը («Կորալինան մղձավանջի երկրում», «Կուբո») շրջանցել է Disney-ի միանգամից 3 մրցակիցներին՝ «Սառը սիրտ 2»-ին, «Խաղալիքների պատմություն 4»-ին և «Առյուծ արքային», ինչպես նաև Universal-ի «Ինչպես վարժեցնել վիշապին 3»-ին:
HBO-ի «Չեռնոբիլը» միանգամից 2 անվանակարգում է մրցանակի արժանացել: Այն անվանել են լավագույն հեռուստաֆիլմ կամ մինի սերիալ: Նրանից հետ են ընկել «Ամենաբարձր ձայնը» (Showtime) և «Հնարք-22»-ը (Hulu): Ստելլան Սկարսհարդը արձանիկ է ստացել Բորիս Շերբինի նախարարների խորհրդի փոխնախագահի դերի համար:
Amazon-ը «Խոտանով», HBO-ն «Չեռնոբիլով» և «Ժառանգներով» ստացել են երկուական մրցանակ, Showtime-ը և FX-ը՝ մեկական մրցանակ «Ամենաբարձր ձայնի» և «Ֆոսսի/Վերդոնի» համար: Առաջին անգամ «Ոսկե գլոբուսին» մասնակցել է 2019թ. Apple TV+-ում հեռարձակված, բայց այդպես էլ մրցանակի չարժանացած «Առավոտյան շոուն»:
Անվանակարգերի մրցանակակիրները
Լավագույն ֆիլմ (դրամա) — «1917»,
Լավագույն ֆիլմ (կոմեդիա և մյուզիքլ) — «Մի անգամ… Հոլիվուդում»,
Լավագույն ռեժիսոր — Սեմ Մենդես («1917»),
Լավագույն դերասանուհի դրամատիկ ֆիլմում — Ռենե Զելվեգեր («Ջուդի»),
Լավագույն դերասան դրամատիկ ֆիլմում — Հոակին Ֆենիքս («Ջոկեր»),
Լավագույն դերասանուհի կոմեդիայում կամ մյուզիքլում — Ակվաֆինա («Հրաժեշտ»),
Լավագույն դերասան կոմեդիայում կամ մյուզիքլում – Թերոն Էջերթոն («Ռոքեթմեն»),
Երկրորդական դերի լավագույն դերասանուհի — Լորա Դերն («Ամուսնական պատմություն»),
Երկրորդական դերի լավագույն դերասան — Բրեդ Պիտ («Մի անգամ… Հոլիվուդում»),
Լավագույն սցենար — Քվենտին Տարանտինո («Մի անգամ… Հոլիվուդում»),
Օտարերկրյա լավագույն ֆիլմ — «Մակաբույծներ»,
Լավագույն անիմացիոն ֆիլմ — «Կորսված օղակ»,
Ֆիլմի լավագույն երաժշտություն — Հիլդուր Գուդնադոտիր («Ջոկեր»),
Լավագույն օրիգինակ երգ — I’m Gonna Love Me Again («Ռոքեթմեն»):
Ինչ վերաբերում է սթրիմինգային ծառայություններին, Netflix-ն ամենաշատ ներկայացվածությունն է ունեցել անվանակարգերում, սակայն նրա շատ ծրագրեր՝ «Իռլանդացին», «Երկու պապ», «Անհավատալին», արձանիկ չեն ստացել: Մրցանակի են արժանացել «Ամուսնական պատմություն» և «Թագ» ֆիլմերը:
Telegram 
Facebook 
Google News Ֆիզիկոսների տեսական հաշվարկները ցույց են տվել, որ լույսի քվանտային տատանումները կարող են փոխել ատոմներից արձակվող էլեկտրոնների ազդանշանը։ Այդ փոփոխությունը չափման մեջ կարող է երևալ որպես մի քանի տասնյակ ատտովայրկյանի լրացուցիչ ուշացում՝ լույսի հատկությունները հետազոտելու նոր հնարավորություն տալով։
Գերմանիայի Հելֆտա թագավորական նստավայրի պեղումներում հայտնաբերվել է X դարի քարե շենք՝ նկուղով և լավ պահպանված մուտքի աստիճաններով։ Դրա նշանակությունը դեռ պարզ չէ․ հնագետները քննարկում են հյուրատան կամ նստավայրի կառավարչի տան վարկածները։
NASA-ի Roman տիեզերական աստղադիտակի լայնադաշտ տեսախցիկի օպտիկական սխալը կարգաբերումից հետո կազմել է 63 նանոմետր՝ նախատեսված մոտ 90 նանոմետրի փոխարեն։ Արդյունքը կարևոր է ապագա լայնածավալ դիտումների համար, սակայն աստղադիտակի գիտական աշխատանքին նախապատրաստումը դեռ շարունակվում է։
Հայաստանի առողջապահության նախարարությունը պայմանական թույլտվություն է տվել ամերիկյան Agenus ընկերության Botvymo և Evamplix դեղամիջոցների համատեղ կիրառմանը՝ աղիների քաղցկեղի որոշակի տեսակի բուժման համար։ Ընկերության հաղորդմամբ՝ սա երկու դեղամիջոցների առաջին պաշտոնական գրանցումն է աշխարհում։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
Էկվադորի Ամազոնիայում հայտնաբերված Taczanowskia waska սարդի մարմնի ելուստները սնկային գոյացություններ են հիշեցնում։ Հետազոտողների վարկածով՝ այդ նմանությունը կարող է օգնել նրան խուսափել գիշատիչներից կամ աննկատ որսալ։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները