«Թոմն ու Ջերին» մուլտֆիլմի առաջին կադրերը եթեր են հեռարձակվել 80 տարի առաջ: Դրանցում ի սկզբանե մեծ տեղ են ունեցել բռնության ու դաժան տեսարանները: Ներկայացվում են հատվածներ՝ առանց կոնտեքստի:
Տեսարան՝ «Թոմն ու Ջերին» մուլտֆիլմից / ©tjournal.ru
«Թոմն ու Ջերին» հարուստ պատմությամբ կարճամետրաժ մուլտֆիլմերի շարք է: Առաջին դրվագները եթեր են դուրս եկել դեռևս 1940թ., երբ կերպարները կրում էին Ջասպեր և Ջինքս անունները: Դրանք փոխվել են, երբ MGM ստուդիան 50 դոլար է առաջարկել լավագույն անուններ մտածողին: Բայց արդեն այդ ժամանակ սյուժեների հիմքը բարդացվեց՝ սկիզբ դնելով հիմնական առանձնահատկությանը՝ բռնությամբ և ցավագին ձայներով դաժան դրվագներին:
Ցուցադրման 79 ամյա պատմության ընթացքում սերիաների մեծ մասում Թոմը փորձում է որսալ Ջերիին: Կատվի օգտին են չափերը և ուժը, մկան օգտին՝ միտքն ու խինդը: Ընդհանուր առմամբ՝ սա դասական մուկն ու կատուն խաղի վերաիմաստավորումն է, բայց բավականին արյունարբու տարրերով: Օրինակ, 1940թ. առաջին սերիայում Ջերին ամբողջ ուժով հարվածում է Թոմի աչքին, 1943թ. Թոմը Ջերիին գրեթե մասնատում է կացնով, իսկ արդեն 1944թ. մուկը կատվին սղոցում է:
Դա պայմանավորված էր այն ժամանակվա լսարանի պահանջարկով: Մեծ դեպրեսիայից դուրս եկած ամերիկացի հեռուստադիտողին դուր էին գալիս հասուն և դաժան պատմություններ: Այդ նույն ժամանակ Դիսնեյը ձգտում էր ավելի մեղմ մուլտֆիլմերի. ներքին կանոններն արգելում էին կերպարների մասնատումը սուր գործիքներով: Ուիլյամ Հաննան և Ջոզեֆ Բարբերան՝ «Թոմն ու Ջերին» ստեղծողները, գնացել են գրաֆիկական բռնության ճանապարհով:
Սղոց, կացին, սուսեր, մահակ, ծեծան. այս ամենը հայտնվել և ակտիվորեն կիրառվում էր մուլտֆիլմում: Կարճամետրաժներում Ջերին կարող էր ատրճանակից կրակել Թոմի գլխին, իսկ կատուն ի պատասխան՝ պայթեցնել հակառակորդին: Նվազագույնը մի քանի անգամ կերպարները մահանում էին: Դրան է նվիրված «Թոմի և Ջերիի մութ կողմը» բլոգը:
Թոմը Ջերիին բնավ որպես սնունդ չի դիտարկում: Ավելի շուտ՝ նրանք միմյանց ցանկանում են վնաս պատճառել: Հաննա-Բարբերա տանդեմը մուլտֆիլմի վրա աշխատել է 17 տարի. սա «ոսկեդար» է համարվում: Այստեղ շրջան կար, երբ սերիաները ստեղծվում էին «երկաթե վարագույրի» հետևում. չեխ անիմատորները ստիպված էին դրվագները նկարել գրոշների դիմաց և հետևել առավել «ամերիկյան» կեղծանուններով: Կային ժամանակներ, երբ «Թոմն ու Ջերին» մուլտֆիլմի համար պատասխանատու էր Looney Tunes-ը:
2019թ. փետրվարին Twitter-ում հայտնվել է «Թոմն ու Ջերին առանց կոնտեքստի» օգտահաշիվը, որտեղ օգտատերերին հիշեցրել են որոշ դաժան դրվագներ՝ կատվի և մկան մասնակցությամբ: Մայիս ամսին նրա մասին հիշել են «Անտանելի տղամարդիկ» պոդքաստում:
Այդուհանդերձ, «Թոմն ու Ջերին» ունեցել է նաև դասական տեսարաններ՝ առանց բռնության: Դրանք նույնպես կարելի է վերհիշել:
1975թ. Հաննան և Բարբերան վերադարձել են մուլտֆիլմին: Հեռուստատեսային նոր չափանիշների պատճառով Թոմին ու Ջերիին ընկերներ են դարձրել, իսկ դաժան տեսարանները գրեթե չքվել են: Սակայն 7 «Օսկարի» արժանացած կարճամետրաժ սերիաները հիշվել են մեծամասամբ բռնության շնորհիվ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…