ԶԼՄ-ները հաղորդել էին Բիլ Գեյցի կողմից ջրածնային շարժիչով զբոսանավ գնելու մասին. Կոնցեպտը մշակած ընկերությունը հերքել է լուրը. (upd.) — Շեշտ.am (shesht.am)
4 րոպե
Խմբագրություն

ԶԼՄ-ները հաղորդել էին Բիլ Գեյցի կողմից ջրածնային շարժիչով զբոսանավ գնելու մասին. Կոնցեպտը մշակած ընկերությունը հերքել է լուրը. (upd.)

Տեղեկություններ էին տարածվել, որ գործարարը զբոսանավը գնել է 644 միլիոն դոլարով: Չնայած հերքմանը՝ հայտնի է, որ Բիլ Գեյցը նախկինում վարձակալել է թանկարժեք զբոսանավերը: Աշխարհի 2-րդ ամենահարուստ մարդը նաև հետաքրքրված է այլընտրանքային շարժիչների ստեղծմամբ:

Aqua զբոսանավի նախագիծը / ©Sinot

Մի շարք պարբերականներ հաղորդել են, որ աշխարհի ամենահարուստ մարդկանցից մեկը՝ Բիլ Գեյցը, 644 մլն դոլարով իր համար պատվիրել է էկոլոգիական սուպեր զբոսանավ՝ ջրածնային շարժիչով: Նավը ջուրը կիջեցվի 2024թ.:

Aqua զբոսանավի նախագիծը / ©Sinot
Aqua զբոսանավի նախագիծը / ©Sinot
Aqua զբոսանավի նախագիծը / ©Sinot

Նոր նավի դիզայնը մշակել է նիդեռլանդական Sinot ընկերությունը, որը ներկայացվել է 2019թ. աշնանը: 112 մետր երկարությամբ զբոսանավը կարող է ընդունել 14 հյուրերի և անձնակազմի 31 անդամներով: Այն կունենա 5 տախտակամած, սպա սալոն, լողավազան, ուղղաթիռային հարթակ և մարզասրահ:

Aqua զբոսանավի նախագիծը / ©Sinot

Զբոսանավի գլխավոր տեխնոլոգիական առանձնահատկությունը շարժիչներն են լինելու: Տախտակամածների տակ տեղադրվելու են 28 տոննա կշռող երկու հերմետիկ ռեզերվուարներ, որոնք լցվելու են հեղուկ ջրածնով: Երբ այն խառնեն թթվածնով, շարժիչները կկարողանան գեներացնել 4 ՄՎտ հզորություն: Դրա շնորհիվ նավը կարող է զարգացնել մինչև 17 հանգույց արագություն (շուրջ 33 կմ/ժ): Ամբողջ ծավալով լիցքավորման դեպքում նավը կարող է անցնել 3750 մղոն տարածություն (մոտ 6035 կմ):

Aqua զբոսանավի նախագիծը / ©Sinot

64 ամյա Գեյցը Երկրի վրա երկրորդ ամենահարուստ մարդն է՝ 118 մլրդ դոլար կարողությամբ: Գործարարը նախկինում չի ունեցել զբոսանավեր և վարձակալել է: Օրինակ, Սարդիններում հանգստի համար նա վերցրել է Serene զբոսանավը: Այն արժե 330 մլն դոլար և պատկանում է SPI Group-ի տնօրենների խորհրդի նախագահ Յուրի Շեֆլերին:

Aqua զբոսանավի նախագիծը / ©Sinot

Գեյցը վաղուց է հետաքրքրվում շարժիչի այլընտրանքային տեսակներով: Նա կալիֆորնիական Heliogen ստարտափի ներդրողներից մեկն է: Ընկերությունը մշակում է արևային էներգիան ջերմության աղբյուրի վերածող համակարգ, որը կարող է նյութերը տաքացնել մինչև հազարավոր աստիճաններ: Ենթադրվում է, որ նոր տեխնոլոգիան կկարողանան օգտագործել արդյունաբերական նախաձեռնությունները՝ նվազեցնելու ածխաթթու գազի արտանետումների մակարդակը:

UPD. Կոնցեպտի հեղինակ Sinot ընկերության կայքում հերքվել է Բիլ Գեյցի կողմից ջրածնային շարժիչով աշխատող Aqua զբոսանավի ձեռքբերման մասին լուրը: Կազմակերպության հաղորդմամբ՝ Microsoft-ի հիմնադիրի հետ գործնական որևէ առնչություն չեն ունեցել:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.