Դիմակների դեֆիցիտի մասին մենք դեռ ամսվա սկզբին էինք հայտնել: Պարզվեց, որ դիմակի գինն այս անգամ ավելի շատ բարձրացավ, քան 2009թ. տարածված «Խոզի գրիպի» ժամանակ, երբ առավելագույն գինը 150 դրամ էր: 1000 դրամանոց դիմակի ականատես օգտատերերը նույնիսկ կատակում են:
Հերթ՝ դեղատանը / ©azatutyun.am
Դեռևս փետրվարի սկզբին էինք անդրադարձել այս խնդրին` կապված դիմակների սակավության հետ: Այն ժամանակ նոր տեսակի կորոնավիրուսը Հայաստանի սահմաններից շատ հեռու էր, բայց որոշ դեղատներում դրանք արդեն բացակայում էին (կամ արդեն վերջացել էին, կամ «հատուկ էին պահել՝ հետո ավելի բարձր գնով վաճառելու» համար):
Այս օրերին խնդիրը կրկին արդիական դարձավ, քանի որ մարդասպանը վիրուսը հայտնվեց մեր սահմաններում՝ Իրանում ու Վրաստանում: Իրանի հետ սահմանն արդեն փակ է, այնտեղ մահացությունների թիվը հասել է 43-ի, վարակվածներինը՝ 593-ի: Վրաստանում այս պահի դրությամբ 3 վարակված կա՝ 2-ն Իրանից են Ադրբեջանով մեկնել Վրաստան, 1-ն Իտալիայից է վերադարձել:
ՀՀ Առողջապահության նախարար Արսեն Թորոսյանը դեղատներում դիմակների բացակայությունը պայմանավորել է վաճառքի մեծ քանակով՝ նշելով, որ բժշկական կենտրոններն անհրաժեշտ քանակությունը պահեստավորած ունեն, մոտ օրերս ձեռք կբերվի հավելյալ քանակություն: Նախարարը հայտնել է, որ բանակցում է գործարարների հետ՝ Հայաստանում հատուկ տեսակի դիմակներ արտադրելու համար:
Նախարարը նշել է, որ քաղաքացիների կողմից դիմակ կրելու կարիք չկա: Նրա խոսքով՝ սովորական դիմակները չեն պաշտպանի կորոնավիրուսից, իսկ հատուկ դիմակները պետք է կրեն բժիշկները՝ հիվանդության հաստատման դեպքում օգնություն ցուցաբերելիս: Մինչդեռ հրապարակված ուղեցույց-նկարում դիմակը նշված է որպես շնչառական վարակով անձանց հետ շփումից պաշտպանվելու միջոց:
Չնայած նրան, որ նախարարը նշել է, թե դիմակները լուրջ պաշտպանիչ նշանակություն չունեն, բացի այդ՝ կորոնավիրուսն այն վտանգավորությունը չունի, որի համար արժե անհանգստանալ, միևնույն է՝ քաղաքացիներն անհանգստացած են աշխարհում այդ վիրուսի մահաբերության ցուցանիշներից և շարունակում են դեղատներում դիմակ փնտրել: Իսկ որտեղ գտնվում են դիմակներ, դրանց գները նախկին 30-50 դրամի փոխարեն 300-500 դրամի սահմաններում են:
Օգտատերերը նշում են, որ դիմակներ ընդհանրապես չկան կամ լինելու դեպքում գներն անբնական բարձր են:
Օգտատերերը նաև կատակում են.
Հիշեցնենք, որ 2009թ. «խոզի գրիպի» ժամանակ Հայաստանում բժշկական դիմակի գինը բարձրացել էր առավելագույնը մինչև 150 դրամ: Իսկ այժմ օգտատերերն ահազանգում են նույնիսկ 250, 300, 500 կամ 1000 դրամանոց դիմակների մասին:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…