Ամերիկացի դիզայները դեմքի արտատպումով բժշկական դիմակի կոնցեպտ է ստեղծել

Պրոդուկտային դիզայներ Դանիել Բասկինը ծառայության կոնցեպտ է ներկայացրել, որը բժշկական դիմակի տեսքով արտատպում է մարդու դեպքը, որպեսզի վերջինս կարողանա և պաշտպանվել վիրուսներից, և ապարգելափակել սմարթֆոնը՝ օգտագործելով դեմքի ճանաչման համակարգը:

Բասկինը մտադիր է դիմակները վաճառել 40 դոլարով: Դրանք դեռևս մշակման փուլում են: Դիզայները պատմել է, որ մեկնարկը մի քանի պատճառներով հետաձգել է. նախ՝ սկզբի համար անհրաժեշտ էր տպագրության գործընթացն այնպես կազմակերպել, որպեսզի դեմքերն իրականին նման լինեն:

Երկրորդ. դիզայները դեռ չի փորձարկել դիմակների՝ սմարթֆոնները դրանցով ապաարգելափակելու համակարգի աշխատանքը: Ենթադրել է, որ օգտատերերը կարող են դիմակները կրելուց առաջ կարգավորած լինել iPhone-ների Face ID-ն:

Ձգձգման հիմնական պատճառն այն է, որ Բասկինը հրաժարվում է կոնցեպտն իրականություն դարձնել, քանի դեռ COVID-19 կորոնավիրուսի բռնկման պատճառով աշխարհում բժշկական դիմակների դեֆիցիտ կա: Բացի այդ, N95 ֆիլտրով շնչադիմակները, նախատեսված օդային և հեղուկ մասնիկների համար, 100%-ով չեն կարող պաշտպանել կորոնավիրուսից:

Ծառայության թողարկումից հետո օգտատերերը կկարողանան կայքում դեմքի նկարը ներբեռնել և հարմարացնել այն, մինչև պատվիրելը: Այնուհետև նկարը կտպագրվի բնական ներկանյութերով՝ N95 ֆիլտրով շնչադիմակի վրա: Բասկինը վստահեցրել է, որ տպագրությունից հետո նկարները ջնջվելու են:

Թվիթերյան օգտատերերը Բասկին կոնցեպտի այլ կիրառություն էլ են հայտնաբերել, բացի վիրուսից պաշտպանությունը: Օրինակ, սոցցանցում համարել են, որ դեմքով դիմակները կզվարճացնեն պացիենտ երեխաներին, ովքեր բժիշկներին տեսնում են միայն ստերիլ սպիտակ դիմակներով:

Բասկինը պատմել է, որ թեև իր գաղափարն այնքան էլ լուրջ չէ, դա չի նշանակում, որ այն իրականություն կդարձնի: Դիզայների խոսքով՝ վստահ չէ՝ դա կատակ է, թե՝ ոչ, բայց կատակը հնարավոր է կյանքի կոչել: