Հոգեբանները նշել են նորապսակների միջև վեճերի հիմնական պատճառները — Շեշտ.am (shesht.am)
3 րոպե
Խմբագրություն

Հոգեբանները նշել են նորապսակների միջև վեճերի հիմնական պատճառները

Հարյուրից ավելի նորապսակ զույգերի հարցումները թույլ են տվել առանձնացնել 6 թեմա, որոնց շուրջ ավելի հաճախ են ամուսինները վիճում: Առաջին տեղում անուշադրությունն է:

Նորապսակ զույգերն ավելի հաճախ վիճում են ուշադրության պակասի պատճառով / ©hi-news.ru

Ամերիկացի հոգեբանները հայտարարել են, որ պարզել են այն իրատեսական հարցերը, որոնք հաճախ են վեճի առարկա դառնում նորապսակների միջև: Օքլենդի համալսարանից Գիլյերմե Լոպեսը նշել է, որ հարաբերություններում միմյանց չհասկանալու հիմնական պատճառների վերհանումը զույգերին կօգնի մեղմացնել վիճահարույց պահերը՝ կանխելով հնարավոր կոնֆլիկտային իրավիճակները:

Սկզբի համար գիտնականներն ուսանողներին առաջարկել են նշել թեմաներ, որոնք, նրանց կարծիքով, կարող են վեճ ու կռիվ առաջացնել նորապսակների միջև: Հարյուրավոր առաջարկներից ընտրվել են 80-ը: Ապա մանրամասն հարցումներ են իրականացվել 107 զույգերի կամավոր մասնակցությամբ, որոնք պետք է նշեին, թե վերջում մեկ տարում ինչի շուրջ են վիճել և ինչ հաճախականությամբ:

Առանձնացնելով այն 30 հարցերը, որոնք կամավորներն առավել շատ են նշել, հոգեբանները նրանց բաժանել են 6 խմբի. 6 առանցքային թեմաներ, որոնք հատկապես տարածված էին «վիճող» նորապսակների մոտ: Ցանկը գլխավորում էր երկրորդ կեսի կողմից ուշադրության պակասը: Ապա գալիս էին տարբեր խնդիրներ սեռական կյանքի հետ կապված, ընտանեկան և ֆինանսական հարաբերությունների, ընտանիքի «ղեկավարի» և տնային գործերի վերաբերյալ:

Այդ տվյալների հիման վրա Գիլյերմե Լոպեսը և նրա գործընկերները նույնիսկ պատրաստել են Reasons for Disagreement in Romantic Relationships Scale՝ չափանիշավորված հարցաթերթիկ: Դրանից կարող էին օգտվել ինչպես մասնագետ-հոգեբանները, այնպես էլ երիտասարդ զույգերը, ովքեր փորձում են կարգավորել իրենց հարաբերությունները:

Ընդգծվում է, որ նմանատիպ թեստերի կիրառման նպատակահարմարությունը խմբի աշխատանքներից դուրս կասկածներ է հարուցում: Հարցված նորապսակները հանդիսացել են ԱՄՆ-ի հյուսիսային մասի երիտասարդ բնակիչների նեղ շրջանակին՝ համապատասխան հանգամանքներով ու մշակութային ավանդույթներով: Ճապոնիայի կամ Ռուսաստանի զույգերի համար «վիճահարցերը» կարող են լրիվ այլ լինել:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.