Մոլդովայում արտակարգ դրությունը չեղարկվել է մայիսի 15-ին: Մեղմացված սահմանափակումների արդյունքում վարակվածության դեպքերը շատացել են՝ տարածվելով սպասարկման ոլորտի աշխատակիցների շարքում:
Մոլդովայում հնարավոր է կրկին արտակարգ դրություն մտցվի / © NewsMaker
Մոլդովայում մայիսի կեսերից հիմնական սահմանափակումների վերացումից ու տնտեսավարող սուբյեկտների գործունեության վերաբացումից հետո սպասարկման ոլորտի աշխատակիցների շրջանում Covid-19-ով վարակվածության նոր դեպքեր են գրանցվել:
Այդ հանգամանքով պայմանավորված՝ երկրի Հանրային առողջության ազգային գործակալության (ՀԱԱԳ) տնօրեն Նիկոլայ Ֆուրտունեն հաղորդել է, որ այս շաբաթ կառավաությունում քննարկվելու է արտակարգ դրության համաժողովրդական ռեժիմ սահմանելու հարցը: Այն մինչ այդ գործել է մարտի 17-ից մինչև մայիսի 15-ը:
Ֆուրտունեն նշել է, որ քաղաքացիներն ամենակարևորը չեն գիտակցել. սահմանափակումների թուլացումը հաճույք չէ, որն առկա էր մինչև Covid-ը: Նրա խոսքով՝ թուլացումը նշանակում է անհարմարությունից ձերբազատում, բայց հաշվի առնելով Covid-ի մշտական վտանգը:
Մոլդովայի ՀԱԱԳ տնօրենն ընդգծել է, որ կորոնավիրուս է արձանագրվել մի քանի վարսավիրների մոտ, որոնց մասամբ է թույլատրվել աշխատել՝ հակահամաճարակային միջոցառումների պահպանմամբ: Հանրային տրանսպորտի ոլորտի սահմանափակումների թուլացումից հետո վարակվածության դեպքեր են գրանցվել գանձապահների և հսկիչների մոտ: Ֆուրտունեի խոսքով՝ խանութներում և գյուղատնտեսական շուկաներում ոչ միշտ են պահպանվում կանոնները՝ դիմակ կրելը, սոցիալական հեռավորությունը և հերթերը:
Գործակալության տնօրենի խոսքով՝ առողջապահությունը «ռետինե» չի և ունի հնարավորությունների սահման, իսկ մարդկանց անպատասխանատու վարքն այն կործանում է:
Նիկոլայ Ֆուրտունեն շեշտել է, որ հիվանդանոցները կարող են ծանրաբեռնվել՝ երկիրը դարձնելով «Իտալիա», երբ պետք է որոշել՝ որ պացիենտին ընդունել, որին՝ ոչ: Եվ միայն այն պատճառով, որ ինչ-որ մեկը շատ էր ցանկանում, որ շուկաները բացվեն: Ֆուրտունեն նշել է, որ առկա է առողջապահական համակարգի կործանման վտանգ: Տնօրենը խոստովանել է, որ սահմանափակումների թուլացումը դաս կլինի, սակայն սխալվել են:
Հաղորդվում է, որ հունիսի 1-ի երեկոյան Մոլդովայում գրանցվել է վարակվածության ընդհանուր 8360 դեպք: 4622-ն առողջացել են, 305-ը՝ մահացել:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…