Դուշանբեն և Բիշքեքը պայմանավորվել են դադարեցնել կրակը, սակայն սահմանային խնդիրները դեռ լուծված չեն: Ապրիլի 29-ին երկու երկրները փաստացի պատերազմ են սկսել միմյանց դեմ, սակայն հրադադարի պայմանավորվածությունից հետո զինված ուժերը վերադարձնում են նախնական տեղակայման վայրերը:
Ղրղզստանի արտգործնախարարության հաղորդմամբ` 2021թ. ապրիլի 28-29-ին ղրղզատաջիկական սահմանին տեղի ունեցած զինված միջադեպի կապակցությամբ Ղրղզստանի ԱԳՆ Ռուսլան Կազակբաևը բանակցություններ է վարել Տաջիկստանի ԱԳՆ Սիրոջիդդին Մուխրիդդինի և այլ ներկայացուցիչների հետ: Քննարկվել են կողմերի` սահմանային հատվածներում իրավիճակի կարգավորմանն ուղղված հետագա գործողությունները:
Ինչպես հաղորդվում է` նախարարներն ընդգծել են երկու կողմից զոհերի ու վիրավորների պատճառ դարձած հակամարտության բացառապես խաղաղ կարգավորման ծայրահեղ անհրաժեշտությունը:
Տեղի ժամանակով 20:00-ից կողմերը դադարեցնում են կրակը և զինված ուժերը վերադարձնում են նախնական տեղակայման վայրերը:
Միևնույն ժամանակ` սահմանային տարածքների վիճելի հարցերը դեռ լուծված չեն, սակայն դրանց լուծումը վերապահված է քաղաքական գործիչներին:
Հիշեցնենք` Տաջիկստանի և Ղրղզստանի միջև սահմանային հակամարտությունը սրվել է ապրիլի 28-ին, իսկ ապրիլի 29-ին վերաճել ռազմական գործողությունների, փաստացի` պատերազմի: Վերջին տվյալներով` տաջիկական կողմից զոհվել է 3 մարդ, վիրավորում ստացել 31-ը: Ղրղղզստանի կողմից տուժածները 26-ն են, մահացել է 1 մարդ:
Հավելենք նաև` Ղրղզստանի նախագահը հայտարարել է, որ երկու «եղբայրական» երկրների միջև հակամարտություն գոյություն չունի, և լարվածության համար մեղադրել էր «արտաքին սադրիչներին»:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…