Իրաքի կառավարությունը պատրաստվում է զինված խմբավորումներին պարտադրել դուրս գալ եզդիական կենտրոնից՝ Սինջարից (Շանգալ)՝ նրանց փոխարինելով դաշնային ոստիկանությամբ:
Քրդական ջոկատներ / © Ozodlik
Սինջարի շրջանի անվտանգության ծառայության տվյալներով՝ Իրաքի հյուսիսում գտնվող այդ շրջանում գործում են 6 տարբեր խմբավորումներ՝ Ժողովրդական մոբիլիզացիոն ուժեր (ԺՄՈւ, հայտնի որպես Հաշդ աշ-Շահաբի), Շանգալի ինքնապաշտպանության ջոկատներ (ՇԻՋ, Քուրդիստանի բանվորական կուսակցության հետ կապված), իրաքյան բանակը, դաշնային ոստիկանությունը, Եզիդխանայի պաշտպանության ուժեր (ԵՊՈւ, տեղի եզդի առաջնորդի կողմից կազմավորված) և Փեշմերգա (ուժեր, որոնք պաշտպանում են եզդիական կրոնական Շարֆադին կենտրոնը):
Հաղորդվում է, որ բոլոր միավորումներում ընդհանուր առմամբ առկա է շուրջ 15000 զինյալ. 4 հազարը ԵՊՈւ-ից են, 3 հազարը՝ Փեշմերգայից, 1000-ը՝ Հաշդ աշ-Շահաբից և ՇԻՋ-ից, մյուսները դաշնային ուժերն են, իրաքյան բանակը կամ ոստիկանությունը:
Այս շաբաթ Միացյալ Նահանգներն Իրաքին, Քուրդիստանին և Թուրքիային կոչ են արել համատեղ գործել՝ ճնշելու Շանգալի ապստամբներին, այդ թվում՝ Քրդական բանվորական կուսակցությանը:
Չորեքշաբթի օրը Թուրքիան երկրորդ անգամ էր հարձակվել Շանգալի վրա. առաջինը հունիսի կեսերին օդային հարձակումն էր և ցամաքային առաջխաղացումն ընդդեմ ՔԲԿ-ի: Վերջինս քրդական զինված միավորում է, որը պայքարում է Թուրքիայում քրդերի քաղաքական և մշակութային իրավունքների համար:
Շանգալը գտնվում է այն տարածքում, որի համար պայքարում են Իրաքյան Քուրդիստանը և Իրաքի կենտրոնական իշխանություններ, իսկ Թուրքիան այս տարածքում իր ծրագրերն ունի. հունիսի 17-ից սկիզբ է առել թուրքական ԶՈՒ-երի «Վագրի ճանկ» ռազմագործողությունն Իրաքի հյուսիսում: Իսլամական պետությունը 2014թ. էր գրավել Շանգալը՝ իրականացնելով տեղի եզդիների ցեղասպանություն: Հազարավոր մարդիկ լքել էին իրենց բնակավայրերը, որոնց մեծ մասը մինչ օրս չեն վերադարձել: Բաղդադը համարում է, որ ապստամբական ուժերի առկայությունն է խոչընդոտում նրանց վերադարձը:
Ապստամբները, սակայն, Իրաքի հյուսիսային շրջանից հեռանալու մտադրություն չունեն, ուստի Բաղդադի համար այդ գործողությունը բարդ ընթացք է ունենալու: Ռազմական բախումները վտանգ են ներկայացնելու նաև խաղաղ բնակչության համար:
Խմբավորումները հայտարարել են, որ կամավոր են տեղակայվել այդտեղ՝ պաշտպանելու խաղաղ բնակչությանը: Նրանցից մի քանիսի ներկայացուցիչները հայտարարել են, որ իրենք փրկել են տեղի բնակչությանն ու Իրաքը, երբ ամբողջ տարածաշրջանը շրջափակված էր Իսլամական ահաբեկչական պետության կողմից:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…