Թալիշների կարծիքով՝ բանտում Ֆահրադին Աբոսզոդային սպանելով՝ Ադրբեջանը միջազգային իրավունք է խախտել` հերթական անգամ ապացուցելով, որ իր համար թալիշ ժողովուրդը նախկինի նման թշնամի է: Հետևաբար, մոտ ապագայում թալիշների նկատմամբ զանգվածային ճնշումներ են սպասվում՝ չնայած, որ նրանք մեծ ներդրում ունեն հաղթանակի գործում. ամենաշատ զոհերն են տվել:
Թալիշները բողոքի ցույց են անում / © Tolishmedia
Արտերկրում բնակվող թալիշ գործիչ Զաբիլ Մագերամովն իր ֆեյսբուքյան էջում գրել է, որ Բաքվի բանտում սպանվել է Թալիշական շարժման առաջնորդ Ֆահրադին Աբոսզոդան, ով Բաքվի խնդրանքով նախորդ տարի ռուսական իրավապահ մարմինների կողմից ձերբակալվել և արտահանձնվել էր Ադրբեջանին:
Ուշագրավ է, որ Զաբիլ Մագերամովը սեպտեմբերի 27-ից սկսած (Արցախում պատերազմի սանձազերծման առաջին օրվանից) 44 օր շարունակ իր էջում հրապարակել է Ղարաբաղում զոհված (շեհիդ) թալիշ զինվորականների լուսանկարները:
Ներկայումս արտասահմանում բնակվող թալիշների համար ակնհայտ է դառնում, որ իրենց հայրենակիցներին առաջին գիծ ուղարկելով ադրբեջանական իշխանությունները մի քանի հարց են լուծում: Թալիշներին ուղարկել են ամենաբարդ ու վտանգավոր ճակատները, որտեղ ողջ մնալու հավանականություն գրեթե չկար, իսկ նրանք, ովքեր հրաժարվել են կատարել կասկածելի հրամանները, հայտարարվել են դավաճաններ՝ այդ հասկացության բոլոր հետևանքներով:
Եվ հիմա, երբ ստորագրվել է կրակի դադարեցման վերաբերյալ հայ-ադրբեջանական համաձայնությունը, եկել է ժամանակը՝ բնակչությանը ներկայացնելու թալիշ «դավաճաններին», որպեսզի թալիշական մեծ ժողովուրդը չկարողանա ադրբեջանցիների հետ հավասար տոնել Ղարաբաղում տարած Հաղթանակը:
Թալիշները համարել են, որ հաղթանակում լիիրավ բաժին ունեն, քանի որ պատերազմի ընթացքում ամենաշատ զոհերն են տվել: Եվ դա այն դեպքում, երբ մոբիլիզացված ադրբեջանցիները հարյուրավոր անգամներ ավելի շատ էին, քան թալիշները, մինչդեռ ազգությամբ ադրբեջանցիների կորուստներն անհամեմատ քիչ էին: Թալիշները հիմք են ունեցել համարելու, որ իրենց զինվորներն ամենախիզախն են: Սա իր հերթին հիմքեր կառաջացներ, որպեսզի թալիշներն Ադրբեջանի իշխանություններից հավելյալ լիազորություններ պահանջեին՝ առողջապահության, կրթության, սոցապահովման ոլորտներում: Արդյունքում՝ ազգային նույնականացում կամ ինքնորոշում, ինչը, միանշանակ, կվախեցներ երկրի իշխանություններին:
Թալիշ օգտատերերի շարքերում ակտիվորեն քննարկվում է, որ պատերազմում ադրբեջանցիներն իրենց զոհել են, իսկ այժմ փորձում են ներկայացնել անբարեհույս էթնիկ խմբի տեսքով:
Թալիշների կարծիքով՝ բանտում Ֆահրադին Աբոսզոդային սպանելով՝ Ադրբեջանը միջազգային իրավունք է խախտել` հերթական անգամ ապացուցելով, որ իր համար թալիշ ժողովուրդը նախկինի նման թշնամի է: Հետևաբար, մոտ ապագայում թալիշների նկատմամբ զանգվածային ճնշումներ են սպասվում՝ հասնելով մինչև էթնիկ զտումների:
Իրենց առաջնորդի սպանության փաստի կապակցությամբ թալիշները մտադիր են դիմել Մարդու իրավունքների եվրոպական դատարան, ինչը, նրանց համոզմամբ, ինչ-որ կերպ կսահմանափակի ադրբեջանցիների բացասական վերաբերմունքը թալիշների նկատմամբ: Նշվում է, որ ատելության նվազմանը չեն նպասել նաև ղարաբաղյան պատերազմում թալիշ ժողովրդի բազմաթիվ զոհերը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…